"مليش في الهجايص".. محمد أشرف لاعب الزمالك السابق يرد على تصريحات عبد الواحد السيد وأيمن عبد العزيز ضده
وجه محمد أشرف روقا، لاعب نادي الزمالك السابق، رسالة لمنتقديه، بعد تقديمه شكوى ضد القلعة البيضاء للحصول على مستحقاته المتأخرة.
تحيا مصر، وكتب محمد أشرف روقا عير حسابه الرسمي"اسنتجرام":أنا أول مرة اكتب حاجة وأعلق على موضوع أنا قولته أو أرد على حد وأذكره باسمه، وهنا كلامي لكابتن عبد الواحد السيد حضرتك عارف انا يحبك ازاي وبحترمك ازاي، وده البند اللي في عقدي واللي حضرتك قولت انه مش موجود او البند ميخصش الفسخ من طرف واحد، وحضرتك بتقول المفترض إني شخص متربي لا هو ده مش مفترض”.
وتابع قائلاً:" أنا الحمد لله متربي ومتربي كويس جدًا، ومش مستني حد يقول ده متربي، ولا لا، وحضرتك عارف إن مليش في الكذب والتحوير، أما الشخص الثاني فهو كابتن ايمن عبد العزيز حضرتك بتقول إن أما جيت لنادي الزمالك جيت النادي من لا شيء”.
وواصل قائلاً:" أنا مش مشكلتي إن حضرتك متعرفش حاجة أنا قبل ماجي نادي الزمالك الحمد لله أنا معدي الـ 100 مباراة".
وأكمل حديثة قائلاً: "ربنا كرمني ولعبت منتخب أوليمبي مع كابتن حسام البدري، وربنا كرمني روحت منتخب مصر مع هيكتور كوبر، فأنا الحمد لله مروحتش نادي الزمالك من لا شيء"، تاني حاجة انا مبقدمش حجج زي ما بتقول، مليش انا في الجو ده خالص، وانت عارف انا مين وابن مين، ومليش في الهجايص.. اللي بتتكلم فيها وانا مش مستني اني اشوف الناس بتهاجم حد عشان اطلع أتكلم".
وأردف قائلاً: "أنت بتقول إني خدت فلوس 6 سنين مجتش من سنه، لا هو حضرتك متعرفش حاجة برده، وبتتكلم بس ومتعرفش إني كنت بقعد فترة بـ 5 و6 شهور ميدخلش بيتي جنيه".
وتابع قائلاً: "أما بالنسبة لحوار جوزيه جوميز المدير الفني الأسبق للزمالك، فانا مش محتاج اتحجج حضرتك ولا أهري، زي مانت طالع تتكلم في حاجات متعرفهاش، ربنا بس وحده اللي يعلم إذا كنت بكدب أو صادق".
وأختتم قائلاً: "متطلعش تقول أي كلام فارغ عني وانت متعرفش حاجة، واه ركز في شغلك بدل ما أنت كل فرقه بتمسكها بتفشل وبعد كده تمشي".