بر خطيبك من بر الوالدين.. نصائح ياسمين عز للسيدات في 2026
بدأت ياسمين عز في العام الجديد 2026، بتوجيه مجموعة من النصائح للسيدات، وذلك من خلال برنامجها الشهير كلام الناس، المذاع على قناة mbc مصر، مشيرة إلى مجموعة من الأشياء التي يجب أن تدخل بها السيدة في عامها الجديد.
نصائح ياسمين عز للسيدات في 2026
وقالت ياسمين عز في تصريحات رصدها موقع تحيا مصر في رسالتها للعزبات: " كفايا تكتبي أحلامك عشان مش هتحقيقها.. خليكي مختلفة والبسي واتشيكي وانزلي اتفرجي على الألعاب النارية يمكن تولع فيكي ونخلص".
وتابعت ياسمين عز حديثها: " مفيش حاجة اسمها إكس اتلغى.. احنا بندعي عليه ولو بعتلك كل سنة وانتي طيبة دي أجواء احتفالات وهتتنسي".
ياسمين عز: انزلي شيلي خطيبك من تحت على كتفاك ودخليه البيت.. بر خطيبك من بر الوالدين
واكدت ياسمين عز: "انزلي شيلي خطيبك من تحت على كتفاك ودخليه البيت.. بر خطيبك من بر الوالدين، خطيبك يجي مرة واحدة في الأسبوع وأنه ياكل ويشرب ويسمع الماتش ويقعد ينظر دي لغوها في السنة الجديدة.. شغلوه في البيت يصلح حنفية يذاكر لاخوكي ويخرجكم ويفسحكم لازم يعمل بلقمته".
وتابعت ياسمين عز: الطلب على دكتور الأسنان كتير ركزوا عليه..ومعندوش وقت يخونك لأن صحته على قده وفلوسه كتير.
ياسمين عز: لغوا انت فين سبيه يتبسط
واختتمت ياسمين عز: "مفيش حاجة اسمها انت فين لغوها سبيه يتبسط براحته، يمكن يكون سبب انبساطه أنه خارج من غيرك ، لو قالك مالك متقوليش مفيش قوليله انت مالك اعمليله مفاجأة، بطلي تطلبي اوردرات وتتفرجي على برامج طبخ، لو قالك محتاجة حاجة جربي قوليله لا ، قولي لجوزك انزل اقعد على القهوة مع صحابك ، قوليله اهم حاجة سعادتك مش بعيد يطفش ويسيب البيت من الفرحة".
يعرض برنامج كلام الناس لـ الإعلامية ياسمين عز على شاشة قنوات mbc مصر ومنصة شاهد الإلكترونية، وذلك في أيام الخميس والجمعة والسبت والأحد من كل أسبوع، ويحقق البرنامج نجاحات كبيرة وتستضيف به نخبة من نجوم الفن خاصة النجوم الغائبون عن الساحة من فترة كبيرة.