كنت خايف عليكي جدا.. عمرو اديب يوجه رسالة لـ أنغام: موجود جنبك وبحبك
حرص الإعلامي عمرو أديب على توجيه رسالة مؤثرة للمطربة أنغام بعد خروجها من المستشفى في ألمانيا وعودتها إلى مصر مرة أخرى، وذلك بعد رحلة علاج دامت لأسابيع في ألمانيا.
عمرو أديب يوجه رسالة لـ أنغام
وكتب عمرو أديب في منشور رصده موقع تحيا مصر عبر حسابه الرسمي بموقع اكس: أنا بحبك يا أنغام جايز معرفتش أعبر عن ده سنين طويلة بس أنا بحبك فعلا وبحترم كل حاجة عملتيها وقدمتيها، عارفه بقيت بسمع كلمات الأغاني كلمة كلمة وجت لحظه كنت خايف عليكى جدا".
وتابع عمرو أديب حديثه: “اختى وحبيبتى وصاحبتى، النهارده ندمان انى معبرتش كتير، بس فى رحلتنا سوا لازم تعرفى أنى موجود جنبك وبحبك”.
محمود سعد يوجه رسالة إلى أنغام
وكان قد وجه محمود سعد هو الآخر رسالة لـ أنغام قال فيها:والله وحشنا صوتك ياأنغام، سواء بتتكلمي أو بتغني، كلمي جمهورك وناسك واهلك وان شاء الله قريب نسمعك بتغني لجمهورك وناسك واهلك، ياصوتنا الجميل، عارفة ليه، لان انتي بنت ناس، واخت الناس، واحدة من العيلة طول الوقت، لا انتي نجمة العيلة.
عودة أنغام إلى الجمهور وأول تعليق منها
وكانت قد عادت أنغام إلى مصر مرة أخرى في الأيام الماضية واستقبلها الجمهور بترحاب شديدؤ وفي أول تعليق لها بعد أزمتها الصحية: أنا فكرت أكتب ولا اتكلم بصوتي وحسيت أني محتاجة اتكلم معاكم بصوتي وأقول لكل حد وقف جمبي وكل حد دعالي من قلبه وكل شخص اكتشف أنه بيحبني أو حتى مكانش بيحبني وقرر بإنسانيته وحنيته وبقلبه أنه يدعيلي ويدعمني في المحنة اللي عديت بيها.
وتابعت حديثها: بشكركم من كل قلبي.. انتو دعيتو وربنا استجاب ودعائكم كان هو الدوا والإيد اللي بتطبطب وهو اللي وقفني على رجلي بعد ربنا والدكاترة.. مش عارفة اتكلم ومش عارفة مبكيش من فرحتي انتو يمكن دعيتوا لأنغام.. لكنكم دعيتوا لأم اتمنت من ربنا إنها تكمل شوية عشان تفرح بولادها وتعيش معاهم وأنا كان كل خوفي إن أنا اسيب ولادي.. مكنتش عايزة حاجة من الدنيا، عمري ما كنت بالضعف دا وأنا مش خجلانة أني ضعيفة قدامكم لأني بقيت حاسة أني حتة منكم وإن أنتو أهلي ومش عيب إن الإنسان يضعف قدام أهله ويطلب منهم أنهم يستحملوه وقت ضعفه أنا مشتاقة أني اشوفكم قريب على المسرح ونغني ونحتفل.