بإطلالة شبابية.. إلهام شاهين تخطف الأنظار بـ مهرجان القاهرة السينمائي

خطفت الفنانة إلهام شاهين الأنظار إليها وذلك في رد كاربت اليوم الرابع من مهرجان القاهرة السينمائي في دورته الـ 44، والمقامه في دار الأوبرا المصرية.

تحيا مصر يرصد لكم إطلالة الفنانة إلهام شاهين باليوم الرابع من مهرجان القاهرة السينمائي

الهام شاهين في مهرجان القاهرة 

وظهرت إلهام شاهين على الريد كاربت بإطلالة شبابية، حيث أرتدت فستانًا قصيرًا مشجر بالورد الأحمر، وتسريحة شعر بسيطة.

إلهام شاهين تتحدث عن الدريس كود

وكانت الفنانة إلهام شاهين قد تحدثت عن الدريس كود الذي وضعه الفنان حسين فهمي رئيس المهرجان وقالت: الدريس كود  فيه شياكة واحترام وطبيعي إحنا كمان في الشتاء مش لازم نلبس مفتوح، وطبيعي بيفرق لما بيبقى مهرجان جوا القاهرة أو في بلد ساحلية على البحر، مثلًا مهرجان الجونة، إحنا حتى بيبقى عندنا شنطة سفر بنقول دي للبحر، ولبس معين مبنقدرش نلبسه جوا القاهرة، ونفس الشيء اللي كنا بنقدر نلبسه في مهرجان الجونة لأنه بلد بحر وصيف ولبسنا أقرب لـ لبس البحر.

إلهام شاهين تتحدث عن الفنان الراحل سمير صبري 

 وعن تكريم الفنان الراحل سمير صبري قالت: الله يرحمه سمير صبري، كان فنان كبير ونجح في كل المجالات اللي اشتغل فيها، وهو موسوعة من المعلومات، وسمير من الشخصيات المهمة أوي في حياتي وصديق غالي وأخ عزيز علينا كلنا ومجاملاته كانت للجميع، وأنا سعيدة بتكريم اسمه النهاردة لما قدمه من أعمال فنية وأعمال إنسانية.

كما تحدثت إلهام عن خوضها لتجربة الإنتاج وقالت: فلوسي ضاعت في الإنتاج لأن أنا مبعرفش أسوق وراحت فلوسي ومرجعليش حاجة من الإنتاج، ولكن ممكن أخوض التجربة تاني لأني عنيدة وهي عاملة زي لعبة القمار، يعني ممكن بعد الخسارة أقول هعمل فيلم تاني علشان أعوض الخسارة.

وعن مشاركتها في السباق الرمضاني الموسم المقبل قالت: أنا مش هكون موجودة في رمضان اللي جاي، لأني جبانة شوية وبحب يكون معايا كل حلقات المسلسل، مبعرفش أدخل أصور وأنا معايا 8 أو حتى 10 حلقات من 30 حلقة، بحب أفرغ دوري وأبقى فاهمة أنا حجمي إيه في العمل من كل اللي حواليا، وأدرس العمل، وأنا متعبة شوية في شغلي وده بيتعب المنتجين مني مش قادرة أجاري السوق، ولكني كنت أتمنى أبقى موجودة.