مدحت العدل: ضد اللبط اللي حصل على مطربي المهرجانات ومفيش متطرف ينفع يكون فنان

حل السيناريست مدحت العدل ضيف على برنامج “حبر سري”، الذي تقدمه الإعلامية أسما ابراهيم على قناة القاهرة والناس، والذي كشف خلال عن رأيه في منع مطربي المهرجانات من الغناء.

تحيا مصر يرصد في ذلك التقرير تصريحات مدحت العدل عن مطربي المهرجانات

مدحت العدل ومطربي المهرجانات

قال مدحت العدل: أنا ضد اللبط اللي حصل ده خالص مصطفى فنان وعايز يفهم الموضوع، فيه لبط حصل على المهرجانات وحاجات أنا مش موافق عليها خالص، أنا ضد فكرة ان أنا امنع نوع  عشان أنا مبحبهوش لكن ممكن أمنع كلام.

وعن إمكانية دخول متطرف الوسط الفني، فقال: المتطرفين مينفعش يبقى فنان عشان الفنان أساسه الحرية والحقيقة".

وأشاد مدحت العدل بموهبة خالد النبوي، فقال: خالد البنوي صديقي على المستوى الشخصي واللي قدمه ده ميجيش 40 % من موهبته هو لسة عنده كتير مقدمهوش".

مدحت العدل يكشف حقيقة بيع مقتنيات نور الشريف

وكان قد كشف مدحت العدل عن رأيه في الجدل المثار حول بيع مقتنيات الراحل نور الشريف، فقال كاشفا حقيقة الأمر: “مشارك في تحويل مقتنيات نور الشريف لـ مكتبة الاسكندرية وجه بوسي ومحمود حميدة، ومستحيل يكون مقتنيات نور الشريف اتباعت، وكل الاسكتشات بتاعته في الأفلام موجودة في مكتبتة الأسكندرية".

 وتابع حديثه خلال حلوله ضيفا على برنامج “حبر سري”، الذي تقدمه الإعلامية أسما ابراهيم ويذاع على قناة القاهرة والناس: “نور الشريف ثقافته عالية جدا، وانسان بدرجة كبيرة، والثقافة مع الموهبة مع الانسانية يخليه يوصل لده، هو كان هيعتزل بسبب الضغط عليه، وطلع من عنده ممثلين كتير كمنتج محدش يقدر يعملهم”.

فيلم ع الزيرو لـ مدحت العدل

وكان قد بدأ مدحت العدل تصوير فيلمه الجديد ع الزيرو، والتي يشارك فيه كلا من الفنانة نيللي كريم بجانب الفنان محمد رمضان، وكشفت الفنانة عن تفاصيله، فقالت: فيلم إنساني جدا بيتكلم عن أب ابنه بيمرض مرض وحش وظروفه المادية وحشة جدا فبيعمل كل حاجة في سبيل إنقاذ ابنه.

ويشارك مدحت العدل في السباق الرمضاني من عام 2023، من خلال مسلسل يجمعه بالفنانة نيللي كريم وينتمي للدراما الصعيدية.