التصالح مع النفس والحرمان من الأكل.. خلطة نادية الجندي السرية للحفاظ على جمالها

كشفت الفنانة نادية الجندي خلطتها السرية للحفاظ على رشقتها وجمالها، مشيرة إلى أنه تحرم نفسها من الأكل وتمارس الرياضة، ويكون مردوده قوامها الممشوق ولياقتها البدنية.

تحيا مصر يرصد في ذلك التقرير تصريحات نادية الجندي عن سر جمالها

نادية الجندي: الحقد والغيرة بيعملوا تجاعيد في الوش

قالت نادية الجندي خلال مداخلة هاتفية في برنامج الستات: الرياضة شيء مهم جدا للناس كلها، ومش بس الرياضة في حاجات تانية، أنا حارمة نفسي من الأكل طول الوقت، وربنا فوق أي حاجة هو اللي بيدي الشكل الحلو والروح الحلوة، وحب الناس من حب ربنا.

وتابعت: والتصالح مع النفس لا بتحقدي على حد ولا بتغيري من حد لأن الحاجات دي بتعمل تجاعيد في الوش، وأما تبقى متصالحة مع نفسك بتكوني سعيدة وبتحبي الناس وده بيطعل على وشك وتصرفاتك، السعادة بتيجي من الرضا بالنفس، ومش أي حد بيقدر يحرم نفسه من الأكل وده عذاب.

نادية الجندي: الفنانة لازم يبقى قدوة ومينفعش يكون تخين وكئيب

وأضافت نادية الجندي خلال حديثها مع الإعلامية سهير جودة: الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها، وإحنا بقى عندنا ثقافة الرياضة والرشاقة والتجميل وثقفات الناس مكنتش بتهتم بيها زمان، والوعي زاد أوي.

نادية الجندي والغيرة

جدير بالذكر، أنه سبق وتحدثت نادية الجندي عن غيرتها من أصدقائها في الوسط الفني، فقالت: عمري ما حسيت بالغيرة من حد، لأن كل واحد ربنا بيكتبله رزقه وشغله، ومش لازم يبص في ايد اللي في غيره، وأنا متصالحة مع نفسي.. ومش محرومة من النجاح، وأفلامي بتنجح وتكسر الدنيا، لكن مغيرش وأي حد من زملائي بينجح بباركله، أنا باركت لـ منى زكي على لعبة نيوتن، عشان أدائها كان رائع، وأي حد بيعمل دور حلو بكلمه وبباركله؟ السوشيال ميديا فيها كل الأجيال اللي بتتابعني، وأنا فلامي بتتعرض على كل القنوات.