"اوعا لتغفلكم".. الجمهور يُعيد فيديو قديم لـ ياسمين عز: أنا إمرأة عاملة مش هرجع أقور محشي وكوسة

أعاد الجمهور فيديو سابق للإعلامية ياسمين عز من حلقاتها في برنامج كلام الناس في العام الماضي، وذلك اثناء استضافتها الدكتور مبروك عطية.

تحيا مصر يرصد لكم فيديو سابق للإعلامية ياسمين عز

ظهرت ياسمين عزوهي تسأل مبروك عطية عن وجبته المفضلة، فأجابها: "المحشي، لأنه الحاجة الوحيدة اللي تشبعني، تاكلي ست صوابع في دقيقة، بدلا من التقطيع والأكل والعيش، بتعرفي تعمليه؟"، فأجابته: "لا باكله بس"، ليرد عليها: "إن شاء الله تعرفي تعمليه، لما بيتعلموه على كبر بيجيدوه أكتر لأنه بيبقى فيه رغبة، إن شاء الله ربنا يرزقك بابن الحلال ويقول لك أنا عايز محشي هتتعمليه في دقيقة واحدة، محبة فيه".

ياسمين عز: أنا امرأة عاملة وعايزة طباخة

وردت عليه ياسمين عز قائلة: "ما أجيب له طباخة تعمل له المحشي"، فأجابها: "ولما المرتب يقل"، فأجابته: ما أنا ممكن أكون حباه يكون مقتدر،  أنا عايزة طباخة، أنا امرأة عاملة بشتغل، ارجع اقور محشي وكوسة.

نصائح ياسمين عز للسيدات

وكانت قد وجهت الإعلامية ياسمين عز خلال برنامجها كلام الناس المذاع على قناة mbc مصر، مجموعة نصائح للسيدات بشأن تعاملها مع زوجها وحماتها، فقالت: بلاش أما جوزك يقبض تبدأي تغنيله كل الناس غرباء إلا أنت أنت شمسي وقمري بلاش الجو ده عشان الغنا مش بيطلع الا وهو بيعد  المرتب، وعايزين نحميكي من الحسد بلاش عزومات، لو بنت خالتك بتاكل كتير هتاكل في يومين خزين التلاجة اللي الراجل بيتعب فيه فرافقا بجوزك، لكن اعزمي حماتك عشان هي بتحبك وبتحب ابنها هتيجي وايديها مش فاضية بتيجي بخيرات ربنا هتملالك التلاجة، الحماة حنينة مع انها معزمة المفروض تيجي وايديها فاضية، حماتك هتفيديك مش بنت خالتك متعزميش اهلك وقاريبك اليومين دول.

ياسمين عز: جوزك أما يناديكي باسمه في الشارع ده فخر واستعارة مكنية عن الحب

وتطرقت ياسمين عز عن مشكلة أخرى تواجه النساء، فقالت: في واحدة بتقول جوزي بينده عليا باسمه هو أنا معنديش اسم ينادوني بيه حبيت السؤال وهجاوبك، عندك اسم واسم جميل كمان بس الراجل جوزك خايف عليكي، خايف حد يعاكسك بيحبك، متنازل ليكي عن أعز ما يملك وهو اسمه انتي زعلانة، الحركة دي فيها استعارة مكنية معنى كل حب وانتي مش واخدة بالك، الراجل كدة عايز يقولك ان انت نفسه وان انتو واحد لو ناداكي باسم واحدة تانية هتعملي اي، برحة على الراجل شوية، الراجل في البيت بيناديكي باسمك عادي وبيدلعك.