جالي انهيار بعد هزيمة 1967 والشقاوة لسه موجودة.. أبرز تصريحات حسين فهمي في معرض الكتاب

فجر الفنان الكبير حسين فهمي عدد من التصريحات خلال ندوة بعنوان «تجربتي» في معرض الكتاب 2023.

ويرصدها تحيا مصر خلال السطور التالية:

تصريحات حسين فهمي 

صلاح جاهين رجل مصري أصيل كان فنان يرسم الكلمة وكلماته نابعة مننا وكان ملك العامية

الفترة الأخيرة في حياته جاله حالة اكتئاب من هزيمة 5 يونيو 1967

أنا كمان جالي اكتئاب لأنها كانت فترة قاسية جدا في الأول مخي رفض الهزيمة وجالي انهيار عصبي لما تأكدت من الهزيمة وقعدت فترة أتعالج

لما انتصرنا في 73 مكنتش مصدق.. وسافرت كتير عشان أخرج من الأزمة كنت بروح مهرجانات ومتاحف

مفيش حاجة اسمها سن عيش اللحظة الحياة لها بداية ونهاية

أي حد بيعكنن عليا ببعد عنه زمن الشقاوة موجود هيروح فين

وبعد إعلاني مع أخويا مصطفى واحد مصري قالي ده أحسن حاجة عملتها في حياتك

وأنا مكنتش عايز أعمل الإعلان ده معاه

أنا ضد إننا نكمم الأفواه لازم نتكلم المجتمعات مبتتقدمش إلا لما يكون عندها حرية التعبير والرأي

ومن حقي أقول رأيي.. دا ربنا ادهولنا.. دي الميزة بينا وبين الحيوان أن لينا عقل

والمناقشات والحوار.. دا اللي بيخلي المجتمع يزدهر.

المصري لما بيشعر بالخطر كلنا بنحس بي وإحنا حسينا بالخطر في 25 يناير وفي 30 يونيو

المصري بيعرف امتى يمتص ده وامتى يتكلم

إحنا قعدنا 400 سنة ساكتين أيام الفاطميين وإحنا أصلنا سُنة شيء غريب ومميز برضو

تحدث الفنان حسين فهمي عن طريقة تعامله مع أحفادة، الذي يرفض إطلاق كلمة أحفاد عليهم ويكتفي بقول “ولاد ولادي”، وذلك خلال لقائه في برنامج حبر سري.

حسين فهمي: ولاد ولادي واخدين مني الدم الخفيف

وقال حسين فهمي: ولاد ولادي بينادولي باسمي ومفيش لا جراند بابا، وكلهم واخدين مني زي انهم دمهم خفيف وبيحبوا الحياة وليبراليي.. ومعنديش احفاد اسمهم ولاد ولادي.

حسين فهمي: بيقولوا حليم كان بيغير مني

وتابع حسين فهمي: “وحيد فريد مدير التصوير قالي أن حليم كان بيغير منك، وكان عليا هجوم كبير، وساعتها قولتله ايه علاقة عبد الحليم حافظ بيا؟ قولتله ايه العلاقة قالي لما البنت تشيل صورة حليم وتحط صورتك اكيد لازم يغير منك”.

وتابع حسين فهمي: “معرفش مين بيغير مني، عشان عمري ما غيرت من حد خالص، وبنصح أي شاب جديد داخل السينما متبصش يمين ولا شمال وحب الكل عشان الناس تحبك”.

حسين فهمي عن التنمر على ميرفت أمين

وفي الحلقة ذاتها، علق الفنان حسين فهمي على التنمر على الفنانة ميرفت أمين خلال الفترة الماضية، وقال حسين فهمي: اللي حصل ان ميرفت امين رايحة عزا، ومش متخيل ازاي الناس تعلق تعليق سخيف بالشكل ده، وهي انسانة طبيعية ورايحة حزينة والحزن بيأثر في ملامح الوجه، ومفهمتش التريند السخيف ده.