يسرا: كلمت دلال عبد العزيز وأنا في جنازة سمير غانم وخبيت عليها ولما أعتزل مش هقول لحد

تحدثت الفنانة يسرا عن والدتها وحبها الشديد لها، كما تحدثت عن موقف جمعها بالفنانة دلال عبد العزيز أثناء جنازة سمير غانم.

تحيا مصر يرصد لكم تصريحات يسرا

يسرا: كان نفسي أعرف أمي شيفاني أزاي وكنت تحت رجليها في فترة تعبها

وقالت يسرا خلال استضافتها في برنامج أنا والقناع: كان نفسي أشوف أمي بتشوفي أزاي وفي لحظة قبل وفاتها كنت حاسة بكده وكنت فرحانة وزعلانة، وكنت بخدمها في فترة تعبها وكنت تحت رجليها ولو كنت أقدر أعمل أكتر من كده ليها كنت عملت. 

وتابعت: حسيت بوفأة أمي قبلها بيوم وقولت لإلهام شاهين سبيني عشان ماما هتموت بكرة وعايزة أقعد معاها وفعلاً حصل وماتت.

يسرا عن حضورها جنازة سمير غانم وفرح في نفس اليوم: روحت الفرح عشان أنسى الحزن 

كما ردت يسرا على الانتقادات التي وجهت إليها بعد حضورها جنازة سمير غانم في الصباح وفرح في المساء وقالت:أنا كل يوم عندي فرح وعندي حالة وفاة وده بيتحسب معايا وضدي واتعلمت من الدنيا إني عمري ما هرضي حد مهما عملت ومش يمكن روحت الفرح عشان أنسى الحزن. 

وكشفت عن موقف حدث معها في جنازة سمير غانم وقالت:  أنا دايمًا كنت بكلم دلال عبد العزيز وبسأل عليها وكلمتها وأنا في جنازة سمير غانم وقولتها أنا رايحة فرح وكان لازم أخبي عليها عشان كنت خايفة عليها.

يسرا: لما اعتزل مش هقول لحد لأني هبقى مش لاقية الحاجة اللي هطلع فيها بقيمتي

وعن فكرة الاعتزال قالت يسرا: يوم ما أبطل شغل هقعد في بيتي من غير ما أقول لأي حد أي حاجة ومش هبقى لاقية الحاجة اللي هطلع فيها بقيمتي وممكن أفتح مشروع أو أقعد في بيتنا من غير ما أعمل أي حاجة 

وتابعت يسرا: الحزن بيشيب، وفي حزن بنفضل حطينه قدمنا وهو نوع الحزن اللي بيقوينا مش اللي بيكسرنا، و لازم تعرف تستمر ومش لازم أنجح وخلاص ولازم أعرف ايه يخليني استمر في هذا النجاح بس لو نجحت وخلاص هيبقى نجاح مؤقت لو قولت نجحت وخلصت يبقى اختيارك.