رامز جلال عن ياسمين عز: الموزة المسهتنة والمذيعة المستهبلة اللي خربت نص بيوت مصر

وصف الفنان رامز جلال، المذيعة ياسمين عز خلال حلولها ضيفة على برنامجه رامز نيفر إند الذي يُعرض عبر شاشة Mbc مصر الفضائية.

تحيا مصر يرصد وصف رامز جلال للمذيعة ياسمين عز.

وقال رامز جلال عن ياسمين عز: المزة المسهتنة والمذيعة المستهبلة صاحبة الصوت الشتوي واللبس الصيفي.. اللي رفعت علم الذكورة ورجعت الراجل في الصورة وخربت نص بيوت مصر.

تعليق ياسمين عز على مشاركتها في برنامج رامز نيفر إند

وكانت نشرت ياسمين عز بوست عبر صفحتها الرسمية بـ«فيسبوك» قائلة:«يامدام انا وعدتك انك هتشوفيني في رمضان ووفيت بوعدي، ارجوكي بعد ما تخلصي شماتة ،زي مانا فرحتك، تقومي تفرحي فرعونك بكوباية شاي وطبق قطايف بالمكسرات وماتحطيش سكر علشان منبع السكر قاعد جنبك ،مشاهدة ممتعة يا مدام».

نصائح ياسمين عز للسيدات في رمضان

وقالت ياسمين عز في تصريحات تلفزيونية عبر برنامجها "كلام الناس" المذاع عبر فضائية MBC مصر، أن الزوجة يجب أن ترحب بأهل زوجها في شهر رمضان بأفضل شكل وبأحسن صورة.

وأضافت: "لازم تعزمي أهل جوزك مفيش حاجه اسمها العزومة تقيلة على قلبك، أهل جوزك زي أهلك وانتهزي الفرصة تصلحي علاقتك بحماتك، لوهتعملي فرخة لمامتك اعملي بطة لحماتك".

وتابعت: "يارت تقللي فطار وسحور بره البيت وفري الفلوس لزوجك وأولادك، وأنك تفطري مع فرعونك دي عزومة لوحدها".

وأختتمت: "ولو فطرتي بره البيت شوفي المنيو الأول، ولما تتفرجي على المسلسلات متحرقيش له الأحداث".

ياسمين عز تثير الجدل بسبب واقعة عروس الإسماعيلية

يذكر أن الإعلامية ياسمين عز، أثارت الجدل في فبراير الماضي، بعد تصريحاتها على واقعة عروسة الإسماعيلية، التي تعرضت للضرب من زوجها قبل حفل الزفاف، ثم عادت له كأن شيئا لم يحدث.

قالت ياسمين عز: "لو كل واحدة جوزها قالها كلمة أو خطبها خبطة اتطلقت، فستات مصر كلها هتقعد في بيوتها، الراجل طبعه حامي وحمش ومراته دورها إنها تحتويه".

وأضافت: "هي احتوت الموقف واحتوت جوزها وراجلها، مش هتبوظ فراحها وقصة حبهم عشان فيديو مدته دقائق، أكيد عنده رصيد عند عروسته خلاها تغفرله ".

وتابعت: "ضل راجل ولا ضل حيطة، سعادة المرأة في وجود الرجل، زمان كانوا ديما بيقولي سي قبل الاسم، معناها سيدي وتاج راسي، جربي قوليله يا سيدي ويا تاج راسي وشوفيه هيشيلك في عينه ازاي".

وأكملت: " بلاش نسخن الدنيا ونقول للعروسة اعملي، ده الخلق بأخلاق وطالما اأنا راضي وهو راضي يبقى ملكوش دعوة، العروسة بنت أصول وبنت عيله والعريس أكيد بيحبها حب كبير جدا".