أبو عن ألبومه الجديد: مهم يبقى عندي ألبوم.. ومواضيعه كلها مختلفة

تحدث المطرب أبو عن تفاصيل ألبومه الجديد فارق عن الكل، مشيرًا إلى عدد الأغنيات التي يتضمنها، وذلك خلال لقاء له ببرنامج ذا انسايدر بالعربي.

تحيا مصر يرصد تفاصيل تصريحات أبو عن ألبومه الجديد

أبو وألبوم فارق عن الكل

وقال أبو: بالنسبة لأي حد بيحب يبقى عنده في المكتبة بتاعته ألبومات مش سينجلز، وأدبيا مهم يبقى ليا ألبوم من الألف للياء، عشان الألبوم بينزل بحالة معينة وبيبقى ليه شغل خاص غير لما تيجي تعملي أغنية مستقلة.

وتابع: الكلام اللي أنا متفق عليه مع شركة الإنتاج أنه هيبقى ألبوم 7 أو 6 أغاني، وكل مواضيعه مختلفة، بدأ بهوليلا والأغنية دي من الأول أغنية احتفال ناس مع بعض، سواء فرح خطوبة ماتش، وفيه أغاني حب وأغاني عن الدنيا.

أبو: بحمد ربنا إني اتخلقت مصري ومصر الوحيدة الي اتعملها علم باسمها

وفي وقت سابق، تحدث المطرب الشهير أبو عن أغنيته الجديدة، الذي من المقرر أن يطلقها خلال الفترو القليلة المقبلة على حسابه الرسمي بموقع الفيديوهات الشهير “يوتيوب”، ولم يكشف عن تفاصيلها حتى الأن سوى أنها باللغة الهيروغلوفية.

وقال أبو خلال لقائها ببرنامج the insider: أنا بحمد ربنا كل يوم إني اتخلقت مصري.. أنا عندي عشق للبلد دي من زمان أوي وهي الوحيدة اللي اتعمل ليها علم كامل اسمه ايجيبتولوجي، ومفيش علم تاني ليه اسم بلد غير مصر، والسبب في كل ده هو المصري القديم.

أخر أعمال أبو

ومن الجدير بالذكر أن أخر أعمال أبو أغنية هوليلا، من كلمات أبو ومحمد شافعي، ألحان طارق نديم، توزيع هادز، وتقول كلماتها: “طلي يا حبيبتي بجمالك واتمخترى ليا بفستانك طلي يا حبيبتي ويا جمالك قلبي انا من الفرحة غنالك نورتي حياتي يا حياتي وحياتك لاسعد اوقاتك والليلة هنعمل هوليلاااااا طبلة ومزازيك وسط العيلة الليلة هنعمل هوليلاااااا طبلة ومزازيك وسط العيلة".

“ده مفيش إحساس في الدنيا أحلى من إحساسي لما معاكي ببقى بالليل انا هسرق ليكي نجمة واتحايل بس عنيكي ترضي هعملك كل اللي ف بالك الله يا حبيبتي علي جمالك علشانك .. قلبي رق قوام ونادالك .. لما حس غرام كان حلمي انا يوم من الايام اوصفلك حبي دا بكلام دلوقتي بقولها قدامك انا ليكي وبيكي وعشانك والليلة هنعمل هوليلاااااا”.