اليوم.. عبد الباسط حمودة يحيي حفلًا غنائيًا في ساقية الصاوي بالزمالك

يستعد الفنان عبد الباسط حمودة لإحياء حفلًا غنائيًا، اليوم السبت الموافق 15 يوليو، في ساقية الصاوي بالزمالك.

تحيا مصر يرصد تفاصيل حفل عبد الباسط حمودة في الزمالك.

تصريحات عبد الباسط حمودة 

من جانبه، كان تحدث عبد الباسط حمودة عن المهرجانات الشعبية خلال لقاءه في برنامج كلمة أخيرة، فقال: الأغنية الشعبية فارضة نفسها من زمان وأي بتاع مهرجانات دلوقتي عايز يبقى نجم يقولي تعالى يا نجم أعمل معايا أغنية، لأن المهرجانات خلاص خلصت.

وتابع: لما عمر كمال جه يعمل معايا أغنية قولتله تمشي على زوقي زي ما أنا عايز، لكم الدب والزرع مبحبهوش، زمان كنت أقعد 3 شهور أعمل في الأغنية، دلوقتي أتصل بالمؤلفين يقول 5 دقايق تبقى عندك، خلاص كله بقى يكتب.

عبد الباسط حمودة في كلمة أخيرة

و عن لقب حكمدار الأغنية الشعبية، قال: الجمهور اللي سماني وسموني فريد شوقي االأغنية الشعبية لأني أول واحد علمت الناس الزعيق المظبوط، الزعيق ليه ناسه مش نحزق زي بتوع الأيام دي.

وتابع: إحنا جيلنا جيل العظماء وكل المطربين دولتقي بيجوا ويبوسوا ايدي ويحضنوني.

وكشف عبد الباسط حمودة عن الصعوبات التي واجهها في بداية حياته الفنية، فقال: أنا ومراتي أول ما اتجوزنا كنا بنفت العسش في الشاي، وأنا لسة على الله، حياتنا كانت جميلة وحولوة ومجدش بيخبط علينا، هي ايدي ورجلي وصبورة.

و طرح المطرب الشعبى عبد الباسط حمودة أحدث أغنياته "قرايب مين" عبر قناته على يوتيوب وهى من كلمات السيد العطار وألحان أحمد العربى وتوزيع نوار البحيرى

كلمات أغنية قرايب مين عبد الباسط حمودة

اللي ما لوش خير في اللي منه
يبقى بناقص منه
سيبك من اللي يبيعك
سيبك من اللي يبيعك وانساه
واللي يروح يجي أحسن منه

الخيانه من القرايب
والاهانه من القرايب
واي شيء ممكن يضرك
يبقى برضو من القرايب

قرايب مين بلا قرايب
ده كله كلام على الفاضي
قريبي وبقصده في خدمة
يقول آسف ومش فاضي
قرايب مين بلا قرايب

قرايب مين يا عم انت
ومين دلوقتي بيقدر
تمد ايديك بكل الخير
بكل ضمير وتتأثر

قريبك بس وقت الفرح
ووقت الشدة يستغنى
يقول مالك وكيف حالك
قرايب مين بلا قرايب

قرايب مين وفين هما
ومن بيحس بجروحي
دانا من كثر عمايلهم
حزين والله على روحي

دانا كان نفسي اعيش بينهم
وترتاح وياهم روحي
ليه خاصموني وعادوني
قرايب مين بلا قرايب