فيلم مستر أكس ضمن قائمة الأعمال الأكثر تحقيقًا للإيرادات في السعودية

نجح فيلم مستر إكس بطولة الفنان أحمد فهمي في التواجد ضمن قائمة الأعمال المصرية الأكثر تحقيقا للإيرادات في المملكة العربية السعودية، خلال الأسبوع الماضي.

تحيا مصر يرصد إيرادات فيلم مستر إكس.

أبطال فيلم مستر إكس

ويشارك في بطولة فيلم "مستر إكس، أحمد فهمى، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، العمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب وتدور أحداثه حول أحمد فهمى الذي يمتلك شركة يساعد من خلالها الرجال لكي يطلقوا زوجاتهم، والمحافظة على حقوقهم.

ضيوف شرف فيلم مستر إكس

وتدور أحداث فيلم مستر إكس حول ظهور عدد كبير من صيوف الشرف وعلى رأسهم عمرو يوسف، أكرم حسنى، ريم مصطفى، مى عمر، مصطفى خاطر، رانيا منصور، صبرى فواز، فرح الزاهد، بيج رامى، علاء مرسى، حجاج عبد العظيم، أحمد فهيم ومن نجوم الرياضة مجدى عبد الغنى، جمال حمزة، إبراهيم فايق.

تصريحات رحاب الجمل بطلة فيلم مستر إكس

هذا وكانت قالت رحاب الجمل خلال مداخلة هاتفية في برنامج كلاكيت عبر إذاعة نجوم إف إم: يارب يكون تعبنا وحبنا للفيلم وصل للجمهور ولكل اللي شافوا الفيلم، فرحانة لما بدخل على السوشيال ميديا عموما ردود الأفعال مبهرة والناس مبسوطة بالفيلم والناس بتقول إن الفيلم صيفي وأحلى مما توقعوا وشبابي. 

وتابعت: عملنا مجهود رهيب وإحنا شغالين، وفيه سنة وشوية قبل التصوير أحمد فهمي والمخرج الجميل أحمد عبد الوهاب وأمجد الشرقاوي اشتغلوا فيها على الورق، وأنا كنت متحمسة جدا؛ لأنها تاني تجربة ليا مع النجم الفنان الإنسان أحمد فهمي مش عارفه أقول إيه لساني بيعجز إنه يوفيه حقه بجد، من أجمل الناس اللي اشتغلت معاهم أخلاقيًا وفنيًا بيحبنا كلنا ومهتم بينا كلنا وفرحان بينا كلنا.

وأضافت: الضحك في الكواليس مش بيقف وبنحب بعض بجد، وفيلم مستر إكس من الأعمال القليلة جدًا اللي اشتغلت فيها ببقى بخلصها وهعيط إنها خلصت وكلنا كنا متضايقين، ويوم عرض الفيلم كنت فرحانة إني هشوفهم كلهم وكان يوم مبهج إني هشوف نفس الناس.

واختتمت حديثها قائلة: هنا الزاهد دي بونبوني دي الفراشة ودمها سكر ورقيقة جدا، حتة شيكولاته بتاعت الفيلم، هي وأحمد فهيم ليهم كيميا مع بعض وربنا يباركلهم، أما أوس أوس بيعمل مقالب محدش نجا منه ومن مقالبه، هو عامل زي الطفل الشقي وطيب جدا وبيضحكنا طول الوقت وبيجيبلي الكلام والله، أستاذ أحمد عبد الوهاب كل شوية يقولنا والنبي سيطروا عايزين نشتغل.