راندا البحيري عن فيلم دولارات دورلارات: كان خطوة مهمة وتقيلة وتنفيذه صعب

تحدثت الفنانة راندا البحيري عن مشاركتها في فيلم دولارات دولارات وذلك إلى جانب نخبة من نجوم الفن والشباب، والذي يعرض في السينمات خلال الفترة القليلة المقبلة.

تحيا مصر يرصد في ذلك التقرير تصريحات راندا البحيري عن فيلم دولارات دولارات

وقالت راند البحيري في تصريحات خاصة لموقع تحيا مصر: الفيلم بالنسبالي كان خطوة مهمة وتقيله وكان تنفيذه صعب مش سهل خالص، كنا ممكن نقف على ديكور معين بال 30 ساعة مينفعش نقعد.

وتابعت: محمد الخضري كلمني وقالي احنا عايزينك معانا في الفيلم ووافقت طبعا.

راندا البحيري: بحب السوشيال ميديا وانا ومروة صحاب من زمان

وتابعت راندا البحيري حديثها، فقالت: بحب السوشيال ميديا جدا، وانا ومروة صحاب وجت معانا كذا مرة أننا نصور وبعدين قولنا نجرب والموضوع طلع معانا حلو، وانا ومروة صحاب جدا ومن زمان ويمكن صداقتنا قويت في اخر خمس سنين.

جدير بالذكر، أنه يشارك في بطولة فيلم دولارات دولارات كلا من النجوم  نضال الشافعي، منة فضالي، صلاح عبدالله، هالة فاخر، محمود حافظ، ميدو عادل ، مدحت تيخة، ابرام سمير،  راندا البحيرى ، امينة، ياسر على ماهر، لوشا، طاهر ابو ليلة، حسن عبدالفتاح ، علاء مرسى، صبرى عبد المنعم والمطرب محمد السالم، انتاج ارت ميوزك، مدحت سعد، تأليف طارق رمضان، مدير تصوير وائل يوسف، مهندس ديكور، اسامة الشناوي، استايليست ايمن بخيت،  منتج فنى رأفت حسن يوسف، مونتير مينا فهيم.

راندا البحيري توضح رأيها في الانتقادات على آراء الجمهور

وكانت قد أوضحت راندا البحيري رأيها في الهجوم على آراء الجمهور، فقال: الموضوع غريب جدا فكرة إن أنا فنانة متضايقة إن الجمهور زعلان من مشهد أنا عملته ما هو حقه يبقى مبسوط ومتضايق ويقول أه أو لا في إطار المسموح طول ما هو ما بيجرحش ولا بيأذي.

وتابعت: أنا مش بتكلم عن مشهد واحد الموضوع ده اتكرر في 5 أو 4 مشاهد ورا بعض، وأه ساعات بيحصل حملات إلكترونية لو المسلسل ناجح ومكسر الدنيا ليه هيعملوا حملة على مشهد، يعني احنا نتبسط أما الناس تشيد بينا ونزعل اما تنتقدنا.