صلاح عبد الله: شركة السبكي أنقذت السينما في وقت من الأوقات.. والسوشيال ميديا ممكن تحبط ناس

تحدث الفنان صلاح عبد الله عن علاقته بمواقع التواصل الاجتماعي، وكيفية استخدامه لها، وذلك خلال لقاء له ببرنامج صاحبة السعادة مع الإعلامية إسعاد يونس.

تحيا مصر يرصد تفاصيل تصريحات صلاح عبد الله في صاحبة السعادة

صلاح عبد الله والسوشيال ميديا

وقال صلاح عبد الله: بعد الثورة عمرو يوسف عملي فيسبوك، كنا في إسكندرية بنصور حاجة كدا وعملولي فيسبوك هو وأمير شوقي، وقعدوا يدربوني عليه بس مدخلتش أوي.

وتابع: وبعد الأزمة الصحية اللي حصلتلي في 2010 حسيت أني عايز أشارك واتكلم عن بلدي، دي كانت البداية، ثم جه تويتر، مكنتش فاهم فيه حاجة، ونبيل الحلفاوي جه يسخني عليه، وإنستجرام بناتي هما اللي شجعوني عليه.

واستكمل: والتواصل دا ساعات بتبقى فيه حاجات بتضايق إنما كمان فيه حاجات تفرح وعرفت فيه ناس مبدعة في كل المجالات.. السوشيال ميديا ممكن تحبط ناس، وأي حد بيناقشني بأدب واحترام فوق دماغي، ومادام تطاول أعرف أن دا عايز يكرهني في السوشيال ميديا، وهي عايزة وعي.

رأي صلاح عبد الله في شركة السبكي

وفي الحلقة ذاتها، كشف صلاح عبد الله عن رأيه في شركة السبكي للإنتاج الفني، وتجربته معها، فقال: السبكية وبالذات أحمد ومحمد الناس بتهاجمهم عشان أفلام الغنا والرقص، بس أنا واحد من الناس اشتغلت معاهم في الرغبة، كباريه، الفرح، المحكمة، وهما عملوا غير دا، وبعدين حد مثقف وواعي جدًا قالي دا دول في وقت من الأوقات أنقذوا السينما ومكانش حد بينتج غيرهم.

تصريحات صلاح عبد الله عن فيلم البطة الصفرا

وسبق وأن تحدث الفنان صلاح عبد الله عن تفاصيل مشاركته في فيلم البطة الصفرا الذي تم طرحه دور العرض السينمائية.

وقال صلاح عبد الله في لقاء له على الصفحة الرسمية للشركة المنتجة للفيلم: توتا ابني وحبيبي ومن ساعة ما بدأ لفت نظري، اتجمعنا في كذا شغل، وكنت بحب كواليسه، أنا الكواليس بتهمني أوي، وبيني وبين غادة تاريخ من ساعة ما بدأت وعملنا حاجات كتير مع بعض، وبتجمعنا صداقة قوية، والعوامل دي مع فكرة الموضوع هما اللي حمسوني.

وتابع: فيه تركة في الشخصية هي اللي لفتت نظري، وعجبتني جدا، ودي هتبان في أحداث الفيلم، وشخصيتي في الفيلم عنده منطق وبيستفيد في شغلانته الغريبة.