مسلسلات رمضان 2024.. صلاح عبد الله أحدث المنضمين لـ سر إلهي

تعاقد الفنان القدير صلاح عبد الله على مسلسل سر إلهي بطولة النجمة روجينا والمقرر عرضه خلال السباق الرمضاني المقبل 2024.

تحيا مصر

مسلسل سر إلهي 

يعد مسلسل سر إلهي بموسم مسلسلات رمضان 2024 مكون من 15 حلقة، من تأليف أمين جمال وإخراج رؤوف عبدالعزيز وبطولة روجينا وصلاح عبد الله.

رسالة صلاح عبد الله للفنانين

على الصعيد الآخر، كتب صلاح عبد الله عبر حسابه الرسمي بموقع التواصل الاجتماعي فيسبوك: رجاء للأصدقاء والزملاء اللي بيعرضوا فنهم في المملكة الشقيقة الغالية علينا كلنا…طبعاً الشكر الجزيل واجب وحق لكرم الضيافة والإستضافة والتقدير الواضح للفن المصري رواده ونجومه وكل عناصره لكن إنتوا ياحبايبي كمصريين عارفين طبيعة شعبكم وحساسيته فمش مطلوب منكم غير حاجة واحدة بس👇خلوا بالكم من كلامكم بس كدا.

تصريحات صلاح عبد الله 

وتحدث عن ابنته قائلًا: بفرح قوي لما بسمع اسمي في الراديو وهمه بيقولوا دنيا صلاح عبدالله في حتة تانية دنيتي بكريتي ربنا يكرمك ياحبيبتي.

وتابع، أعترِف وتعقيباً على المنشور السابق بنتي دنيا لما تخرجت من إعلام قسم إذاعة وتليفزيون، حاولت أساعدها وفشلتْ ولما فشلت حسيت إني قُليل وعاجز وحزنت واكتأبت".

وأضاف، لكن بنتي وكافحت ونجحت وساعتها أدركت رسالة المولى عز وجل، لما بنتي نجحت بفضله تعالى وبموهبتها وبمجهودها وإصرارها واعتمادها على نفسها، وافتكرت لما قلتلها زمان وأنا بحبس دموعي"أنا آسف يادنيا.

واستكمل صلاح عبد الله قائلًا: دلوقتي بقولها "أنا فخور بيكي يادنيا"، فلا تكلي ولا تملي وإستمري والله ولي التوفيق يادنيتي، دنيا صلاح عبد الله.

اقرأ أيضًا.. 

حنان شومان عن ابتعاد عبلة كامل عن الساحة: عندها حق لأنه مفيش عمل يصلح ليها 

ناقدة فنية عن مسلسل سيب وأنا اسيب: سئ كتابةً وإخراجًا وهنا الزاهد مش مسئولة عن دا

وقال صلاح عبد الله في برنامج أنا والقناع من تقديم الإعلامية منى عبدالوهاب: أنا طيب وبقول علي نفسي طيب.. والمخرج مجدي الهواري كان بيقولي هو في حد طيب يقول علي نفسه طيب.

وتابع، لما بحب أخبي اللى جويا بلبس قناع المبتسم، ودايماً بتكلم في الضحك، وأقول دايماً ابتسم تقدر تحقق ضحكة في أخر النهار.

وأضاف، بيني وبين الشقاء عقد مفتوح بنسبة كبيرة، بالذات في الفترة الأخيرة من  حياتي من 2010، واللي عانيت فيها من ظروف صحية صعبة، وكنت بدعي ربنا يجعل معاناتي في ميزان حسناتي.

وتألق صلاح عبد الله في السباق الرمضاني المنصرم بمسلسل تلت التلاتة من بطولة الفنانة غادة عبدالرازق، ومن تأليف هبة الحسيني، وإخراج حسن صالح، وهو مكون من 15 حلقة، وينتمي لنوعية أعمال الغموض والجريمة والتشويق، ويشارك في بطولته كذلك مصطفى درويش، ليلى أحمد زاهر، محمد القس، صلاح عبدالله وعدد آخر من الفنانين.