آيتن عامر: تجربة الطلاق قاسية والست اللي تقول حاجة وحشة على طليقها مش محترمة

حلت الفنانة آيتن عامر ضيفة على برنامج العرافة والذي تقدمه الإعلامية بسمة وهبة على شاشة قنوات المحور، لتكشف من خلاله عن تفاصيل خاصة بطليقها وعلاقتها بطليقها محمد عز العرب.

آيتن عامر: مطلبتش النجدة لطليقي وأي خبر اتكتب عليا غلط

وقالت آيتن عامر في تصريحات رصدها موقع تحيا مصر: فيه رجالة مش محترمة كتير وانا لو ست مش محترمة أطلع أسرار علاقتي بطليقي برة، والست اللي تقول حاجة وحشة عن طليقها بعد الانفصال ست مش محترمة.

وتابعت حديثها عن خلافتها مع طليقها داخل الكومباوند: الأمن الخاص بالكومباوند هو اللي بلغ عن طليقي أما سمعوا الخناقة مش انا ولو عايزين تعرفوا التفاصيل اسألوهم، أنا مبلغتش النجدة، أمن الكومباوند هو اللي اتصل بيهم وأي خبر انكتب عني مش صحيحة ومش لازم ناخدها على محمل الجد كلنا عارفين أنه فيه مواقع بتكتب حاجات محرفة عشان تلم مشاهدات وقرءات.

آيتن عامر: اتنازلت عن قضيتي ضد طليقي لأن أنا وأبو ولادي مش هنقف لبعض قدام المحكمة  

واكدت آيتن عامر: أي اتنين بينفصلوا بيكون في بينهم خلافات ولكن في مواقع كتير بتحرف الموضوع، مبحبش مشاكلي ومشاكل بيتي تبقى موجودة للعلن لأن دي مساحتي الشخصية ليا ولأولادي، واتنازلت عن قضيتي ضد محمد عز العرب لأن انا وأبو اولادي مش هنقف قدام بعض في  المحكمة.

وتابعت آيتن عامر: في بيني وبين طليقي احترام، طليقي راجل كويس وكان نفسي الناس تعمل معانا زي ما عملوا مع ياسمين وأحمد العوضي ويقولوا ملناش دعوة بسبب طلاقهم بس هما عشان مش بيحبوه هاجموه.

آيتن عامر: الحلاق ده شيء قاسي جدا على الست 

وتطرقت آيتن عامر بحديثها عن الطلاق: مش حاجة كويسة أن الشخص يفقد حد من عيلته والناس بتبص انها احلوت اكتر لكن محدش بيروح معايا بالليل ولا بيشوف تجربتي عاملة ازاي، الطلاق ده ابشع حاجة الست بتمر بيها.

أيتن عامر تكشف حقيقة فقدان وزنها بعد تصدرها التريند

احنا مالنا.. تعليق مفاجئ من أيتن عامر على منشور ياسمين عبد العزيز الأخير

يذكر، أن آيتن عامر شاركت في مسلسل جودر كضيفة شرف في أول حلقات من العمل، حيث بدأ عرضه في مساء أمس الثلاثاء وشارك في بطولته كلا من النجوم ياسر جلال، ياسمين رئيس، أحمد فتحي، وليد فواز، وفاء عامر، أيتن عامر، سامية الطرابلسي، عبدالعزيز مخيون، أحمد بدير، محمد التاج، جيهان الشماشرجي، أحمد ماهر، عايدة رياض، محمود البزاوي، فتوح أحمد، محمد علي رزق، إسلام حافظ، مجدي بدر، هنادى مهنى.