أحمد عبد العزيز: مبيعتش بيتي عشان ظروفي المادية.. ومصطفى درويش مكانش ابن موت

كشف الفنان أحمد عبد العزيز حقيقة قيامه ببيع منزله بسبب ظروف مادية صعبة، وذلك خلال لقاء له ببرنامج حبر سري مع الإعلامية أسما إبراهيم على القاهرة والناس.

أحمد عبد العزيز: محصلش أني بيعت بيتي القديم عشان ظروف مادية

وقال أحمد عبدالعزيز في تصريحاته التي يرصدها موقع تحيا مصر: محصلش أني بيعت بيتي القديم عشان ظروف مادية، دي إشاعات وخبر غير صحيح اتكتب كتير جدا واستخدم كتير جدا لغاية قريب، ومصدره أني كنت بقول لصحفي أنه أنا كان عندي شقة في اسكندرية وبيعتها فكتب هذا الكلام أن أحمد عبد العزيز باع عفش منزله وابتدت تتكتب بأشكال مختلفة، زي أني بيعت العفش عشان مريض ومش لاقي علاج.

أحمد عبد العزيز: اكتشفت خداع أحد أصدقائي

وفي اللقاء ذاته، كشف أحمد عبد العزيز عن تعرضه للخداع من أحد أصدقائه، وقال: الكلام دا محصلش معايا أوي الا مرة زمان أيام ما كنت في المعهد وكان ليا زميل وهو الله يرحمه توفى قريب واشتغل في الاخراج المسرحي شوية، وبعد فترة من العلاقة القوية بيننا واكتشفت أنه مخادع وانتهت العلاقة بيني وبينه.

وعن مصطفى درويش قال: نفسي اعرف ازاي مصطفى درويش مات، دا مكانش ابن موت كان ابن حياة، وأنا مكنتش اعرفه للأسف والتقينا في بروفات مسلسل سره الباتع، وساعتها قولت عليه ممثل جديد ويبدو أنه مش مجتهد وابتديت رأيي دا لخالد يوسف فقالي لا دا كويس ففوجئت أنه جواه فنان كبير ومجتهد وبيحب شغله جدا.

أحمد عبد العزيز: لا يجوز تقديم مشاهد الرقص في رمضان.. ودلوقتي بقى في انعدام أخلاق

فادي خفاجة يعتذر لـ مها أحمد: دي أختي وأنا بتأسفلها ومجدي كامل أستاذي الكبير

أحمد عبد العزيز: لا يجوز تقديم مشاهد الرقص في رمضان

كما رد الفنان أحمد عبد العزيز على الانتقادات التي تم توجيهها لمسلسل جريمة منتصف الليل بسبب ظهور الفنانة رانيا يوسف بدور الراقصة في شهر رمضان، وقال: لكل مقام مقال، في رمضان لا يجوز أن احنا نقدم مشاهد رقص وأدوار جريئة ولكن في العمل تقريبا مفيش مشاهد رقص ولا أدوار جريئة أو مشاهد جريئة ورانيا يوسف جسدت شخصية راقصة تتعرض لأحداث وبنتها بتتعرض لمشاكل كتير في الجامعة بتأثر عليها فاحنا بنشوفها في موضوع تاني خالص غير الرد، والخط اللي بتلعبه رانيا غير اللي أنا بلعبه، وكان في اهتمام شديد من أستاذة منى مصممة الملابس أنها تظبط بدلة الرقص وحكيت أكتر من مرة قدامي ازاي تعبت في أنها تدور على بدلة رقص تكون لائقة وميكونش عليها انتقاد.