غادة عبد الرازق: بحب أخبي كسرتي عشان محدش يشمت فيا وبتعالج نفسيا من 35 سنة

تحدثت الفنانة غادة عبد الرازق عن أزماتها وتأثير المجال الفني عليها وعدد من التفاصيل عن شخصيتها خلال حلولها ضيفة على برنامج كلمة أخيرة والذي تقدمه الإعلامية لميس الحديدي على قناة أون.

غادة عبد الرازق: اللي بيكسرني هو الفشل في الشغل ولحظة الانكسار بختفي أكتر

كشفت غادة عبد الرازق عن أكثر الأشياء التي تشعرها بالإنكسار حيث قالت في تصريحات رصدها موقع تحيا مصر: بحب أخبي كسرتي عشان محدش يشمت فيا، وأنا عموما ست بيتوتية ولحظة الانكسار بختفي أكتر، واللي بيكسرني هو الفشل في الشغل، أعداء ممكن يحاربوني، أو حاجة تمس بنتي أو أهلي، والخيانة، وبتعرض طبعا لأزمات مادية كتير لأني عندي التزامات، ولما بفشل في أي عمل وده دخلي الأساسي، أكيد بيأثر عليا.

وعن تأثير الفن عليها، قالت غادة عبد الرازق: التمثيل أثر عليا جدا نفسيا وعاطفيا وكل حاجة انا فشلت في كل حاجة رغم أنه عملي مكانة كبيرة وحققلي نجاح أكبر لكم لا أثر عليا نفسيا لدرجة اني بتعالج عند دكتور نفسي بقالي 35 سنة.

غادة عبد الرازق: مظهري عامل أساسي لنجاحي  

وتحدثت غادة عبد الرازق عن تفاصيل اهتمامها بمظرها، قائلة: مظهري عامل أساسي لنجاحي وحب الناس ليا ويوم ما اخد القرار أن أقعد في بيتنا هبقى أعمل اللي انا عايزاه، لكن طول ما الجمهور مستنيني وبيشوفني لازم ابقى مهتمية بشكلي ومظهري وكل حاجة.

وعن تطور علاقتها بالسوشيال ميديا، قالت غادة عبد الرازق: ده اللي كان المفروض يحصل من زمان جدا من 12 أو 15 سنة وجه الوقت اني اعمل اللي كنت بعمله من زمان.

غادة عبد الرازق: محاطة بعقارب كتير في حياتي 

وأكدت غادة عبد الرازق في حديثها: أنا محاطة بعقارب كتير في حياتي ومقدرش أعيش معاهم حتى لو فيه بيني وبينهم مصلحة، ببعدهم خالص عن حياتي وبعرفهم وبتجنبهم محدش يقدر يضحك عليا.

وتحدثت غادة عبد الرازق عن صفة العند في حياتها، فقالت: عندي خلاني اخد قرارات في حياتي وشغلي ندمت عليها، قرارت كانت غلط تماما وضيعت مني حاجات كتير مهمة.

غادة عبد الرازق: ندمت اني دخلت التمثيل والناس دخلت صيد العقارب حاطين أمل عليا

خاص| رحاب عرفة: غادة عبد الرازق نجمة استثنائية.. وبالنسبالي مثل أعلى

جدير بالذكر، أنه تألقت الفنانة غادة عبد الرازق في مسلسل صيد العقارب والذي تم عرضه ضمن سباق مسلسلات رمضان 2024 وحقق نجاحات كبيرة في فترة عرضه وخاضت بطولته إلى جانب نخبة من نجوم الفن من بينهم الفنان محمد علي رزق والفنانة سيمون والفنان أحمد جمال “جاميكا” والفنان رياض الخولي وآخرين.