احنا تعبانين أوي.. زوجة عصام صاصا تكشف تفاصيل جديدة في قضية مطرب المهرجانات

كشفت جهاد أحمد زوجة مطرب المهرجانات عصام صاصا تفاصيل جديدة في واقعة دهس لشخص يبلغ من العمر 40 عام بسيارته.

زوجة عصام صاصا: احنا تعبانين قوي ومش قادرين إننا نرد

وقالت زوجة مطرب المهرجانات عصام صاصا في مقطع فيديو لها عبر خاصية الاستوري بحسابها الرسمي بموقع تبادل الصور والفيديوهات القصيرة إنستجرام يرصده تحيا مصر: عاملين ايه.. عارفه إنكم مستنين مننا أي رد.. بس احنا تعبانين قوي ومش قادرين إننا نرد علشان فيه موضوع مهم عاوزه أقولكم عليه وهو ضرورى.

زوجة عصام صاصا تكشف عن المحامي الخاص بقضية زوجها

وتابعت قائلة: عصام من 3 أيام عمل توكيل للدكتور محمد حمودة.. وأي حد عاوز عصام في القضية بتاعته..  حد عاوز يشهد عاوز يقول أي حاجة عن الحادثة.. لأننا مش بنرد على أي رسايل.. ولازم حضرتكم تبقوا عارفين ان المحامي بتاعنا اسمه دكتور محمد حمودة.

تصريحات زوجة عصام صاصا 

وأضافت: وهو اللي ماسك قضية عصام.. وهو اللي ليه الحق إنه يعرف أي تفصيلة عن الحادث.. واحنا ملناش دعوة باي حد بيقول انه ماسك قضية عصام.. وهو الوكيل الوحيد في قضية عصام طه.

وقال محامي ضحية عصام صاصا، عصام صاصا قالي إنه حاسس بالذنب وتأنيب الضمير بسبب أحمد الذي توفي في الحادث وأسرته، وكمان حاسس بأسرته خصوصا أنه جرب شعور يتيم الأب وهو في عمر الـ 9 أشهر، وقالي إنه مستعد للإعدام للتكفير عن ذنبه.

وقال عنبة لأسرة عصام صاصا: أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.

وتابع عنبة: أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.

محامي ضحية عصام صاصا: مطرب المهرجانات مستعد للإعدام عشان يكفر عن ذنبه

وأضاف، بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل.