وصول يحيى الفخراني للإداء بصوته في انتخابات نقابة المهن التمثيلية

وصل الفنان يحيى الفخراني الآن لنادي نقابة المهن التمثيلية للإداء بصوته في الانتخابات المقامة منذ صباح اليوم وحتة الاسعة الخامسة مساءًا.

تحيا مصر يرصد لكم تفاصيل وصول يحيى الفخراني 

يحيى الفخراني في انتخابات النقابة

وحضر الفنان يحيى الفخراني وسط ترحيب كبير من الحضور نظرًا لشعبيته الواسعة، وحرص على الحضور عدد كبير من النجوم من بينهم: أحمد بدير، وأحمد السقا.

وكان  يحيى الفخراني كشف عن سبب تأجيله عمله الدرامي لرمضان 2024 وقال خلال مكالمة هاتفية أجراها في برنامج الحكاية الذي يُقدمه الإعلامي عمرو أديب.

يحيى الفخراني يكشف سبب تأجيله لعمله الدرامي لرمضان 2024

وقال يحيى الفخراني: السنة اللي جاية، هنبدأ نشتغل فيه، دي حصري، أول مرة هقولها، في عمل لعبد الرحيم كمال وشادي الفخراني بس مش لرمضان ده، اللي بعده، بعد شهر بالظبط، عبد الرحيم يفضى وهنبدأ نشتغل فيه، كان المفروض يتعمل السنة دي، بس لقينا عبد الرحيم مشغول، فقررنا إن إحنا نأجله السنة الجاية، مفيش مشكلة خالص، ولازم يبقى معايا ورق على الأقل 20 حلقة، وابقى عارف النهاية بعد كده في العشر حلقات الباقيين، لازم أبقى ضامنهم يعني.

وأضاف: شايف إن ديما الفن مرآة للمجتمع، والواحد ميتخضش، هو لازم يطلع وينزل ويهبط شوية، لكن أنا شايف إن الفن كويس، وهو فيه حاجات زي الزمن، العمق الفكري قليل شوية عن التكنولوجيا اللي غلبت، بس كله عمق، الفن ما بين دلوقتى و10 سنين فاتوا، لأ، أنا مببصش على الفن كده، المهم عندي يبقى موجود، المهم إنه مبيبطلش، لما يبطل يبقى ده الخطر، لكن طالما موجود، تأكد هيبقى أفضل.

يحيى الفخراني:  كنت حابب جدًا أفلام المقاولات

وأستكمل: حتى أيام ما قالوا أفلام المقاولات، أنا كنت حابب جدصا أفلام المقاولات، لإن دي اللي هتعيّش الحكاية، لو متعملتش أفلام المقاولات دي، الناس مش هتقبل على الأفلام الكويسة، مش هتبقى موجودة الحاجة الكويسة، الناس هتفضل تروح سينما، لغاية ما يخبطوا في حاجة كويسة، بس هو إمتى بقى تبقى كويسة وممتعة؟، المتعة في المقام الأول بالنسبة للفنون، مش بس القيمة الفكرية يعني.