زوج للمحكمة: قفشت مراتى بتكلم راجل غريب.. واجهتها قالتلى بشوفله عروسة

كانت بتقولى أنها رايحة الشغل وأكتشفت أنها بتقابل شخص غريب وعرفت من تليفونها.. بتلك الكلمات روى زوج لتحيا مصر من داخل محكمة الأسرة عن زوجته التى أكتشف أكاذيبها بعد زواج أستمر 22 عاماً لينتهى بترك منزل الزوجية من الزوجة ورفع الزوج عليها دعوى إنذار لبيت الطاعة بمحكمة الأسرة .

أهل زوج عشيقته.. ثلاثيني يقفز من الرابع أثناء علاقة حرام مع عشرينية في الدقهلية

اتحبست في مخدرات سابها.. ثلاثيني عين شمس حاول أهل خطيبته إجباره على ارتداء قميص نوم

قعدتها من الشغل عشان تهتم ببنتى 

بدأ الزوج حديثه لتحيا مصر :" أنا ومراتى متجوزين من 22 سنة أنا شغال سواق على عربية ملاكى ومراتى كانت شغالة فى معمل تحاليل لحد ما بنتى كبرت وبقيت فى سن مراهقة ساعتها أجبرت مراتى تقعد من الشغل عشان تهتم بيها لأنها بقيت فى سن حرج وبدأت تعمل تصرفات كتير مش كويسة على النت ولوحدها ده غير أن عم مراتى خبط على بنتى مرة وهى فى البيت لوحدها ولما فتحتله أتهجم عليها وعم مراتى ده بيتعاطى مخدرات وشخص مش سوى أخلاقياً وساعتها بنتى دارت عليا اللى حصلها ده ومعترفتليش بيه غير بعد شهرين وطبعاً لما عرفت جيبت اللوم كله على مراتى وخليتها متنزلش الشغل تانى ".

لقيت مصايب على تليفون مراتى مع الرجالة 

وتابع الزوج :" مراتى بعد ما قعدتها من الشغل بدأت أكتشف حاجات غريبة على تليفونها فى مرة كانت هى نايمة بليل وحد بعتلها رسالة الساعة 3 ونص الفجر ولما فتحت الرسالة لقيت راجل غريب باعتلها وبيقولها " أنتى بطلتى تعدى عليا ليه ؟ أنا كنت عايز نشرب كوبايتين قهوة بس المرة دى " صحيتها من نومها وسألتها أية ده ؟ راحت قالتلى " متفهمش غلط ده واحد كنت بشوفله عروسة مش أكتر" لكن أنا كانت شكوك كتير دخلت جوايا خصوصاً أنها كانت مفهمانى أنها بترجع من الشغل على البيت ومش بتشوف حد  وبعدها بفترة كمان لقيت على تليفونها مصيبة أكبر ولقيت محادثة بينها وبين راجل عايش فى الكويت وبيبعتلها فلوس كتير على الفيزا كل شهر واللى فهمته من المحادثة أن الشخص ده بيحب أختها المتجوزة ومرتبط بيها عاطفياً  وبيبعت الفلوس دى عشانها هى وعشان بنتها المريضة بس عشان أختها معندهاش فيزا كانت مراتى هى اللى بتبقى وسيط بينهم وبتستقبل منه الفلوس دى واللى عرفته كمان أنها كانت بتتقاسم الفلوس دى بينها وبين أختها مع بعض أجبرت مراتى يومها وشهدت أخوها الكبير أنها تمسح الفيس والواتس اب وتشترى خط جديد ومتكلمش حد عليه غير أهلها وبس  وقولتلها " أنتى لو كنتى ست كويسة كنتى فوقتى أختك ونبهتيها ومنعتيها تاخد فلوس من راجل غريب وهى متجوزة راجل تانى لكن أنتى عشان خاطر الفلوس أشتركتى فى الفعل ده والله أعلم كنتى بتقدميله أية فى المقابل عشان يحولك الفلوس دى كلها ".

عورت نفسها ورفعت عليا محضر فى القسم 

 وأختتم الزوج حديثه :" مراتى قررت الأنفصال عنى لمجرد أنى بطالبها أنها تراعى ربنا فى بيتها وعيالها وجوزها رجعت فى مرة من الشغل ولقيت مراتى واخدة العيال وواخدة كل هدومها وسايبة البيت وراحت رفعت عليا دعوى تمكين من المسكن الزوجية وخدت الشقة فعلاً بعد ما عورت نفسها وراحت أتهمتنى فى القسم أنى تعديت عليها بالضرب وطردتها  ورفعت عليا كمان دعوى نفقة للصغار وأنا عشان ادافع عن حقى رفعت عليها دعوى إنذار لبيت الطاعة ودعوى إهمال وإسقاط حضانة ومش قادر أقولها غير حسبى الله ونعم الوكيل فيكى على حياتى اللى خربتيهالى وأنتى مشوفتيش منى غير كل خير ".