بعد بيان الممثلين بحذف مشهد أكاديمية الفنون من ليه لأ 3.. محمد علي رزق: النقيب دايما في ضهرنا

حرص الفنان محمد علي رزق على توجيه رسالة شكر لـ نقيب المهن التمثيلية بعد بيانه الذي أصدره بـ حذف مشاهد أكاديمية الفنون من مسلسل ليه لأ الموسم الثالث، الذي تخوض بطولته الفنانة نيللي كريم.

تحيا مصر يرصد في ذلك التقرير رسالة محمد علي رزق لـ نقيب الممثلين بعد حذفه 

محمد علي رزق يشيد بـ نقيب الممثلين

وكتب محمد علي رزق عبر حسابه الرسمي بموقع التواصل الاجتماعي “فيسبوك”: كل الشكر و التقدير لنقابة المهن التمثيلية و للنقيب المحترم الدكتور أشرف زكي إنه دايماً في ضهرنا.

محمد علي رزق ينتقد مشهد في ليه لأ 3

وكان قد كتبت محمد علي رزق عبر حسابه الرسمي بموقع التواصل الاجتماعي فيسبوك: بتفرج على مسلسل ليه لأ الجزء التالت…و منكرش حبي الشديد لمسلسل ليه لأ من الجزء الأول علشان بيناقشوا قضايا مهمة و بشكل مختلف و فكل مره قدروا يلمسوا الناس و في الجزء الأخير بيناقشوا  قضية مهمة جداً  ومنتشرة بنسبة كبيرة أوي في مجتمعنا الشرقي، بس شوفت مشهد عزومه في حلقة ٨ و فجأه في أخر المشهد إتنين ممثلات  لطاف جداً بيتناقشوا عن الكليات.

وتابع: طبعاً أكاديمية الفنون البيت الكبير و الصرح إللي طول عمره مليان أساتذة كبار و طلع أجيال كتير مهمة، تصحيح للأساتذة إللي كتبوا المسلسل لا يا فندم قسم أداب مسرح بيعلم تمثيل بجد…و فيه نجوم خريجين قسم أداب مسرح  زي فتحي عبد الوهاب و سامح حسين و أحمد فتحي و ياسر الطوبجي و غيرهم كتير أوووي و فيه دكاترة محترمة بتعلم التمثيل إللي بجد.

محمد علي رزق: بتشرف اني خريج كلية أداب

واستكمل: و أنا بتشرف أني خريج كلية الأداب قسم علوم المسرح، كنت أتمنى مناقشة المشاكل إللي بتقابلها أقسام المسرح في أغلب الجامعات زي النظر لينا نظره  إيه الهبل ده و إن كل أقسام كلية الأداب شايفين إننا عيال هايفه علشان بندرس فن و يقعدوا يتريقوا لعدم فهمهم قيمة القن إللي كنا بندرسه.