غادة عبد الرازق: في ناس بتقولي احنا بنخاف منك

فجرت الفنانة المصرية غادة عبد الرازق عدة تصريحات بعد تألقها في مسلسل حدث بالفعل حكاية تحت الحزام.

تحيا مصر يرصد تصريحات غادة عبد الرازق. 

تصريحات غادة عبد الرازق

وقالت غادة عبد الرازق: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.

أبطال حكاية تحت الحزام

ويشارك في بطولة «حكاية تحت الحزام» من مسلسل «حدث بالفعل» غادة عبدالرازق وخالد أنور، وسلمى أبوضيف، وتأليف فادي النجار، وإخراج هشام الرشيدي. 

تعرض غادة عبد الرازق للخيانة

وكانت قالت النجمة غادة عبد الرازق عن تعرضها للخيانة الزوجية: “جربت الحكاية دي ودايمًا أعذارهم واهية واهية.. أي كلام.. دايمًا أقول كده.. الراجل بيخون غادة عبد الرازق بقى.. جينفير لوبيز”.

وتابعت: “مؤخر الصداق بتاعي كان 25 قرش.. وممكن أتقدم لراجل وأطلب منه الجواز.. لكن ما عملتش ده قبل كده.. فكرت فيه أه.. مش هقدر أقول مين بس حد كان أكبر مني في السن مش من الوسط الفني”.

وعن المخرج خالد يوسف، قالت: “خالد حالة.. أي واحدة تتمنى إنها ترتبط بيه.. بس إن أنا أتقدم له دي بيتهيألي واسعة شوية.. مش هو اللي لازم يتقدم لي؟ نوعية الراجل اللي أطلبه للجواز نوعية مختلفة”.

وقالت عبد الرازق خلال لقائها في برنامج «MBC Trending» عن سبب عدم حضورها المهرجانات: "الناس في منتهى الاحترام وبيعزموني بس هي تركيبة شخصيات وأنا مش من الشخصيات اللي تلبسيها وتقوليلها امشي على الريد كاربت"

واستطردت "أنا شخصية مبتكلمش كتير فمطلوب مني مجهود كبير البس واحط مكياج وامشي على الريد كاربت واتكلم مع الناس واعمل 50 انترفيو، لا مش شخصيتي مبحبش الزحمة ولا الكلام الكتير ولا الاضاءة الكتير لأن عشت فيها حياتي"

و عن الحالة الوحيدة التي ستذهب للمهرجان فيها قالت "لو هتكرم هروح يوم تكريمي وهبقى في منتهى السعادة".

تألقت غادة عبد الرازق في مسلسل "تلت التلاتة" تأليف هبة الحسينى، وإخراج محمد هشام الرشيدى، ويشارك في بطولة العمل إلى جانب غادة عبد الرازق كلاً من: ماجد المصرى، نجلاء بدر، مصطفى درويش، ليلى أحمد زاهر، محمد القس، صلاح عبد الله وجارى التعاقد مع باقى الفنانين المشاركين في البطولة والاعلان عن أسمائهم، والعمل لنوعية الدراما الاجتماعية المليئة بالإثارة والغموض.