اسما شريف منير: بعشق ضوافري بس سمعت أنه ممكن يمنع الوضوء والصلاة وتجاهلت

كشفت اسما شريف منير عن رحلتها مع جيل الاظافر، وكيف أنها دخلت في صراع مع نفسها بين عشقه لها ورضاء الله، مشيرة إلى أنها تجاهلت في البداية جملة "ده ممكن يمنع الوضوء والصلاة"، ولكن بعد تفكير وشد وجذب أيقنت أن التقرب إلى الله هو الحل الأمثل والافضل.

اسما شريف منير تكشف رحلتها في التقرب إلى الله 

وقالت اسما شريف منير في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام: بدأت أسمع الجملة اللي بتتقال كده بسهولة ... بس بتقعد جوا "ده ممكن يمنع الوضوء والصلاة"، في الأول تجاهلت... بعدين لقيت نفسي بسأل سؤال وجعني هو أنا برضي ربنا ... ولا برضي نفسي؟ فضلت فترة في شد وجذب ..نفسي بتقول: دي حاجة بسيطة، ما تكبريش الموضوع. وقلبي بيقول: بس لو في احتمال يبعدني عنه ... ليه أكمل؟.

وتابعت اسما شريف منير حديثها: في لحظة هادية ... مش درامية ولا فيها بطولة ... لحظة صدق بس.... حسيت إن القرب من ربنا مش بيبان في الحاجات اللي بعملها " قد ما بيبان في الحاجات اللي بحبها ... وبعرف أسيبها عشانه.

اسما شريف منير: اتباع الهوى بيشبع لحظة بس طاعة ربنا بيطمن العمر كله

واستكملت اسما شريف منير حديثها عن رحلة ترك جل الاظافر، قائلة: وكنت فاكرة معنى بيطبطب عليا كل ما أتردد: لما بتقربي من ربنا خطوة.... بتلاقيه بيقرب منك أكثر، فقررت أسيب الجل، مش لأني بظلت أحبه... بالعكس... سيبته وأنا بحبه، سيبته كأني بقول: يا رب... أنت أغلى.

واختتمت حديثها: أول مرة من غيره حسيت إني ناقصة حاجة ... بس بعدها على طول حسیت بحاجة أكبر بتتملي: سلام، النوع اللي بييجي لما تختاري ربنا على "هواكي "... حتى لو الهوا كان حلو ومغري، وبقيت كل ما أضعف... أفكر نفسي اتباع الهوى بيشبع لحظة ... بس طاعة ربنا بتطمن العمر كله،والأغرب إني لما قاومت رغبة دنيوية ... ما حسيتش إني اتحرمت....حسيت إني اتحررت. 

اسما شريف منير: أقرب الناس ليا خذلوني وفهمت إن المهم الآخرة

أسما شريف منير: مصر مش دايما هادية بس جواها طمأنينة غريبة

اسما شريف منير رحلة تغير جذري 

يذكر أن الجمهور تفاجأ بعد زواج اسما شريف منير بفترة قليلة، بإعلان ارتداءها الحجاب، حيث أعلنت أن زوجها غير العديد من الأشياء في شخصيتها وجعلها أكثر هدوءا وأكثر تقربا من الله، ذلك التقرب وجهاد النفس يزداد يوما عن يوم، فأصبحنا نرى رغبة أسما في الظهور بملابس شرعية تنساب الحجاب، بدأت تقاوم نفسها من الامتناع عن الظهور بـ ميكب أو بجل الاظافر وغيرها، وهو ما جعل الجمهور يزداد إعجاب بها بشكل كبير جدا.