اسما شريف منير: أقرب الناس ليا خذلوني وفهمت إن المهم الآخرة

حرصت الفنانة اسما شريف منير على كشف الصعوبة التي واجهتها في الفترة الأخيرة، مشيرة إلى أنها أيقنت أن الهدف الحقيقي في الحياة ليس الدنيا، بل الآخرة، وأن الصعوبات التي نمر بها هي ابتلاء من الله، والقلق الحقيقي عندما نشعر أن الدنيا بسيطة طوال الوقت وليس بها صعوبات.

اسما شريف منير: الفترة اللي فاتت كانت صعبة وأقرب الناس خذلوني

قالت اسما شريف منير في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام: الفترة اللي فاتت كانت صعبة. كان فيها كرب، رزق واقف، وشكوك بتتسلل لعقلي. الشيطان حاول يقنعني إن التزامي هو سبب المشاكل. حسيت بضغط من كل ناحية، حتى من أقرب الناس ليا خذلوني. بدأت أشك في إيماني. لكن لما رجعت لربنا، فهمت إن الابتلاء هو جزء من طريق المؤمن. الأنبياء نفسهم اتعرضوا لاختبارات، وده كان دليل على قربهم من ربنا... ربنا صفى لي رؤيتي بشكل أنا نفسي مكنتش متخيلة إني محتاجاه.

وتابعت اسما شريف منير حديثها: بقيتت أشوف الناس على حقيقتها... مش على اللي كنت بتمنى يبقوا عليه، ولا على الكلام الحلو اللي بيتقال، ولا على النسخة اللي كنت بزرعها في دماغي عشان ما أخسرش حد. بدأت أفهم مين بيحبني بصدق... ومين كان موجود بس عشان أنا "مفيدة". مين بيظهر وقت الجد حتى لو ده هيكلفه... ومين بيختفي أول ما الموضوع يحتاج منه مجهود، أو التزام، أو مجرد احترام.

اسما شريف منير: ربنا طبطب عليا وفهمت إن الآخرة هي المهمة 

واكدت اسما شريف منير: ​عرفت إن اللي بيبان إن الدنيا ماشية معاهم كويس مش دايماً على حق، وبدأت أشوف علامات إن الناس اللي حوالي بيدعولي، وإن ربنا بيطبطب عليّ، مع العسر يسر، حتى لو الوجع لسه موجود. أنا دلوقتي فاهمة إننا أحياناً بننسى إن الدنيا مش الهدف الحقيقي. المهم هو الآخرة، هو اختبار صبرنا. اللي عايز أقوله... لو بتعدوا بوقت صعب، اعرفوا إن ربنا لسه عايزكم. لو الدنيا وردي طول الوقت، اقلقوا. المهم، رجوعنا لربنا، صبرنا، وتسليمنا. الحمد لله دائماً وأبداً.. إذا شفتوا كلامي، ادعولي.

يذكر أن اسما شريف منير في حديثها لـ عرب وود تحدثت عن زوجها، قائلة: هداني كتير.. لما بتلاقي الشخص الصح قلبك بيهدى.. ربنا يباركلي فيه.

أسما شريف منير: مصر مش دايما هادية بس جواها طمأنينة غريبة

أسما شريف منير بالحجاب بمهرجان الجونة.. وتعلق: أول مرة أحس إني بقدم نفسي بشكل حقيقي

أسما شريف منير تفاجئ الجمهور بالحجاب 

يذكر أن اسما شريف منير كانت قد فاجأت الجمهور بظهورها بالحجاب، وكان هذا الشيء صادم للغاية للجمهور، خاصة وانه كان تغير جذري في شخصيتها بعد زواجها من هذا الشخص الذي يبعد تماما عن الوسط الفني، حيث دائما ما تتحدث كيف جعلها حياتها أكثر هدوءا واستقرارا.