السيسي لأبطال "الاختيار": مسلسل واحد مش كفاية
ADVERTISEMENT
قال الرئيس عبدالفتاح السيسي خلال تكريمه أسرة مسلسل الاختيار، إن العمل قدم صورة حقيقية وليس مبالغة ومطلوب أعمال نفس النوعية الفترة المقبلة.
وأضاف الرئيس خلال تكريم أسرة مسلسل الاختيار، خلال الندوة التثقيفية الـ 32 للقوات المسلحة، :"المطلوب كتير قوى لان احنا دلوقتى موجودين وانتم عايشين اللحظة اللى بتحصل فى سيناء وحجم الإنجاز اللى ربنا ساعدنا فيه وكنا فين فى 2012 وبين دلوقتى، وبالتالى حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا، يشوفوا أد ايه مصر قدمت، لان "المنسى" واللى زيه هما عند ربنا خلاص وربنا سبحانه وتعالى اللى هيجازيهم، لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللى انت قدمته فيه أسر فقدوا وافتقدوا أبنائهم أو حتى أصيبوا فبرضه هيعيش مع إصابته طول عمره".
اقرأ أيضا: السيسي عن مسلسل الاختيار: قدم صورة رائعة وكان حقيقي
وأكد الرئيس، أن المسلسل كان صورة رائعة لواقع عشناه وبنعيشه وتمن دفعته مصر وابنائها سواء للفكرة الخبيثة اللى بيحاولوا ينشروها، أو للناس اللى بتقدم نفسها لأجل أنها تحمى بلدها من الناس دي.