مش بحلم يجيلي ولد.. أبرز تصريحات يسرا اللوزي في واحد من الناس

حلت الفنانة يسرا اللوزي أمس ضيفة على برنامج واحد من الناس، الذي يقدمه الإعلامي عمرو الليثي ويذاع على شاشة تلفزيون قناة الحياة، وأثناء الحلقة تحدثت اللوزي عن الكثير من الأمور التي تخص حياتها الفنية والشخصية، وفي ذلك التقرير سيرصد موقع تحيا مصر أبرز تصريحاتها في الحلقة.

أبرز تصريحات يسرا اللوزي في واحد من الناس

• كنت بلعب كرة قدم نسائية بس مدخلتش المنتخب
• بس جاتلي مشكلة في ركبتي فاضطريت أبطل لعب
• كنت بلعب مدافع كويس أوي وكنت أخاف أهاجم وبعدين لعبت صانعة ألعاب وكنت أهلاوية متعصبة بس زمان
• لما بتفرج على ماتشات بفضل اعيط فقفلت صفحة الكورة علشان اعيش
• سعيدة بلقب أم البنات ومش بحلم يجيلي ولد، ولكن لو جالي ولد هحبه قد البنات بس أنا طول عمري نفسي أخلف بنات
• هواياتي اتغيرت على مر الزمن، أنا صوتي في الغناء الأوبرالي كويس بس مش هغني
• مش مستعجلة على البطولة المطلقة.. والبطولة الجماعية مبقاتش عقدة للممثل

تصريحات يسرا اللوزي في حبر سري

وسبق وأن كشفت الفنانة يسرا اللوزي عن أٍرار في حياتها الشخصية، كما تحدثت عن المخرج يوسف شاهين، وذلك خلال لقائها في برنامج حبر سري والتي تقدمه الإعلامية أسما إبراهيم.

وقالت يسرا اللوزي:  الأعمال لازم يبقى فيها حاجة تستفزك ويناقش قضايا مهمة، وأنا ضد أن الفن يحل مشاكل هو بيخليك تفكر وتشوف اللي حواليك.

وتابعت: لو اتعرض عليا عمل بيناقش أفكار جريئة هوافق عليه طبعًا ومش هرفض.

وكشفت يسرا اللوزي: السنة اللي فاتت كنت برفض اي شغل عشان وفاة والدي وكريم كلمني وقالي على المسلسل وانا رفضت عشان كنت مكتئبة ومعرفش كان انهي دور والوقت ده مكنتش اعرف المسلسل عن ايه.

يسرا اللوزي: موافقة أعمل مشاهد حميمية

وكشفت يسرا اللوزي عن رأيها في المشاهد الجريئة وقالت:  بستغرب أن بنعتبر القتل والنصب عادي ومشهد اتنين بيحبوا بعض غلط.

وأضافت:  الأغراء مش بالبوسة ولا اللبس هو مجرد أداء، وممكن واحدة تكون لابسة بيكيني ومش بتعمل إغراء.

وتابعت: وأوافق إني اعمل مشاهد حميمية وأنا ضد أن يبقى في رقابة على هذا النوع من الأعمال الفنية، بس الناس بتهاجم جدا لو عملت حاجة زي دي، ومش عايزة حد يسخف عليهم ويتنمر عليهم ومش هوافق بكده.