أول تعليق من مي عمر بعد نجاح مسلسل نعمة الافوكاتو| تفاصيل

حرصت الفنانة مي عمر على توجيه رسالة شكر لفريق عمل مسلسل نعمة الافوكاتو، بعد انتهاء عرضه على شاشات التلفزيون، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

مي عمر تشكر فريق عمل مسلسل نعمة الافوكاتو

وكتبت مي عمر في منشورها الذي يرصده موقع تحيا مصر: مع إنتهاء مسلسل نعمة الافوكاتو الحمد لله رب العالمين علي توفيق ربنا و كرمه الكبير، عندي احاسيس كتيرة مختلفه إحساس بالسعادة بردود الأفعال من كل الدول العربية والإشادات الكبيرة اللي جاتلي من ناس كتير بحبها و بحترمها.

وتابعت: إحساس بالإمتنان لنجاح المسلسل و توفيق ربنا اللي فاق كل التوقعات وإن مسلسل نعمة الأفوكاتو يتصدر نسب المشاهدات على مستوي العالم طوال فترة عرضه علي منصه شاهد، إحساس بالحزن علي انتهاء المسلسل اللي كنت متعلقه بكل تفصيله فيه وإحساس بالمسؤليه في تقديم الأفضل المرة القادمه إن شاء الله.

مي عمر تتوجه بالشكر لـ محمد سامي

واضافت مي عمر: شكرا المخرج العظيم محمد سامي علي مجهودك الجبار اللي عملته معانا كلنا، شكرا علي تعبك و إهتمامك بأدق التفاصيل دايما الشغل معاك متعه انت بتخلي الممثل يصدق ويستمتع بكل مشهد بيعمله بكل تفاصيله، شكرا علي وجودك اللي كان سبب أساسي في نجاح العمل.

واستطردت: شكرا مجموعه ام بي سي وشاهد علي ثقتكم الكبيرة ودعمكم المستمر ليا شكرا المنتجه مها سليم علي الإنتاج المشرف ومجهودك وإخلاصك وخوفك علي العمل من أول يوم تحضير لأخر يوم عرض.

صلاح اداكي على قفاكي.. مي عمر في مواجهة نعمة الأفوكاتو: "متعمللناش فيها خريجة جامعة أمريكية"

مي عمر: مكنتش حابة دوري في مسلسل علاقة مشروعة وتخننت 7 كيلو في نعمة الأفوكاتو

مي عمر: شكرا لكل الكاست اللي كانوا بيشتغلوا بكل حب

واستكملت مي عمر: شكرا لكل الكرو والكاست اللي كانوا بيشتغلوا بكل حب و إخلاص الكاتب الموهوب جدا مهاب طارق المونتيره العبقرية غادة عزالدين مدير التصوير المتميز جدا نزار شاكر و مهندس الديكور الرائع أحمد عباس صابر والأستيلست الشاطر جدا جدا سعيد رمزي.. شكرا خبيرة التجميل الشاطرة زينب حسن و الماكير مصطفي زيدان و الكوافير الشاطر ألفريد ووليد علي أهتمامكم إن نعمه تطلع بالشكل المطلوب.

وتابعت: شكرا أيقونة الشرق النجمة أصاله صاحبة أجمل صوت وأطيب قلب وجودك كان إضافه كبيرة للعمل، شكرا بسمه بوسيل علي الأغاني و صوتك اللي كله إحساس.. شكرا كاست العمل اللي اتشرفت بالعمل معاهم أحمد زاهر و أروي جودة و عماد زيادة، الأستاذ الكبير كمال ابو ريه ، أ. طارق النهري، أ. سامي مغاوري، أ. سليمان عيد، أحمد ماجد، ولاء الشريف ،غادة فلفل، سلوي عثمان ، لبني ونس، سمر عبد الوهاب و القمر هدير عبد الناصر و الوجه الجديد الموهوب محمد الدسوقي بحبكم جدا و هتوحشوني و هتوحشني نعمه سعيد أبو علب بكل تفاصيلها

واختتمت: شكرا من قلبي للجمهور المصري و العربي الكبير في كل دول العالم.. يا لالالالالاهوي كنت هنسى أشوفكم في حكاية جديدة إن شاء الله ويا رب دايما أكون عند حسن ظنكم بي وأوعدكم دايما بتقديم الأفضل.