حمو بيكا لمنتقديه: بلاش تبقى عامل باقة ب 60 جنيه عشان تتنمر عليا انت أولى بيهم

خرج مطرب المهرجانات الشعبية حمو بيكا للرد على منتقديه والمتنمرين في الساعات القليلة الماضية وذلك خلال حلوله ضيفا على قناة المشهد، موجها نصيحة له بعدم الانشغال في عيوب الناس واستمثار الوقت في العمل.

حمو بيكا يوجه رسالة لمنتقديه: روحوا اشتغلوا

وقال حمو بيكا في تصريحات رصدها موقع تحيا مصر: بلاش تبقى عامل باقة ب 50 أو 60 جنيه عشان تطلع تتنمر عليا ما دي مصاريف عليك، انت اولى بالفلوس دي، روح اشتغل وشوف الحياة بدل ما تنمر على الناس.

وعن قيام عمر كمال بعمل سحر له، كشف حمو بيكا بأنه كان يمزح معه ويداعبه، ولكن لا حقيقة لهذا التصريح، موضحا: "عمر كمال غلبان ولما قولت أنه عملي سحر كنت بنكشه".

حمو بيكا: مادخلتش مدرسة لكن اشتغلت وشقيت 

وكان قد تحدث حمو بيكا عن معاناته حتى دخوله في الوسط الفني: أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا بيكرم بني آدم ويرزقه مش من فراغ، وما اتدولتش في بقي معلقة دهب وكنت بحب الخير لكل الناس ولحد الوقت ده.

وعن صوره القديمة، قال حمو بيكا: دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف.

حسن شاكوش يطرح أحدث أغانيه عم جيلو بالتعاون مع حمو بيكا

لا يشرفنا حضورك.. أهل الأقصر يرفضون إحياء حمو بيكا حفلًا بالمدينة الحضارية

حمو بيكا يطرح أغنية عم جيلو 

من ناحية أخرى، كنت اخر أعمال حمو بيكا طرحه لأغنية عم جيلو وذلك على حسابه الرسمي بموقع الفيديوهات الشهير يوتيوب، وذلك بالتعاون مع مطرب المهرجانات الشعبية حسن شاكوش والتي أتت كلماتها: ويلكم بلجيل الي اتخطر ايدا كلها اخصام بتعور الايطين عملو محاربين كل واحد عمال يتهور  الشارع بقي علي نصيتو كام جرو مقطع فروتو الجاكيشان قابل الفندام كل واحد يعرض تنطيطو  طب خد ولا انت مبتعرفش تصد.

وتابعت كلمات أغنية عم جيلو: دنا كل مسال عنك حد يقول ملوش عازه  معلش القطه ليا متتنرفزش محسوبك الي بياكل الوش تعمل بطل قدام الوحش اكيد هتترازا  مرهم جيلو الي بنديلو عمال يكرت وانا اعديلو اتلم الواطي علي الكارف كل واحد عرض لزميلو  كل جمايلي بقت تتنكر يبني انا خيري عليك افتكر اهدا وبطل تعمز نفسك.