الإصابات كانت خفيفة وكل فريق العمل بخير.. أول تعليق من محمد إمام بعد حريق لوكيشن تصوير الكينج

علق الفنان محمد إمام منذ قليل على حريق لوكيشن تصوير مسلسل الكينج، والذي حدث منذ ساعات قليلة نتيجة حريق ستوديو مصر، مشيرا إلى جميع الإصابات كانت خفيفة للغاية وكل فريق العمل جيدين.

أول تعليق من محمد إمام على حريق لوكيشن تصوير مسلسل الكينج

وكتب محمد إمام في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: "قدر الله وما شاء فعل والحمد لله على كل شيء، حريق كبير في لوكيشن تصوير مسلسل الكينج في ستوديو مصر، منطقة كاملة معمولة على أعلى مستوى، إنتاج ضخم من المنتج عبد الله أبو الفتوح.. وإبداع من مهندس الديكور تامر إسماعيل ومجهود كبير من أشطر المهندسين والعمال، بس ربنا أراد اللي حصل.

وتابع محمد إمام حديثه: الحمد لله فوق كل ده إن الإصابات كانت خفيفة وكل فريق العمل بخير، شكر كبير لوزارة الداخلية وقوات الدفاع المدني على مجهودهم وسط الحريق الضخم وكميات خشب ومواد سريعة الاشتعال، وشكر خاص للمنتج محمد السيد وفريقه وحوش الإنتاج، اللي دخلوا جوه النار حرفيًا علشان يحاولوا ينقذوا أجهزة ومعدات وملابس.. ناس بتحب شغلها بجد وبتضحي بنفسها عشانه.

محمد إمام بعد حريق لوكيشن تصوير مسلسل الكينج: اختيار صعب في وقت صعب 

واختتم محمد إمام حديثه: شكر من كل قلبي لكل الناس والنجوم اللي كلموني واطمّنوا عليّ وعلى فريق العمل، ربنا يديم المحبة ويحفظ الجميع، اللي حصل اختبار صعب في وقت صعب.. بس ثقتنا في الله كبيرة وإن شاء الله مكملين، دعواتكم لينا ولكل فريق عمل مسلسل الكينج، استنونا في رمضان 2026 إن شاء الله.

يذكر أنه كان قد اخترق منذ قليل لوكيشن تصوير مسلسل الكينج، الذي يخوض بطولته الفنان محمد إمام وكان من المقرر انطلاق تصويره غدا، ولكن لم يكشف حتى الآن عن موعد استنئاف التصوير، خاصة بعد حريق الحارة التي كان سيتم تصوير العمل بها.

تعليقات صناع مسلسل الكينج عن حريق لوكيشن التصوير 

وكان قد قال السيناريست محمد صلاح العزب عن حريق لوكيشن تصوير مسلسل الكينج في تصريحات خاصة لـ موقع تحيا مصر: "الحريق مازال شغال لحد دلوقتي ومكنش في تصوير النهاردة.. وحتى الآن محددناش حجم الخسائر وبناء على الخسائر هيتم تأجيل العمل لحد ما الدنيا تتظبط"، في حين قال سامي مغاوري: "انا كان عندي اوردر الساعة 6 واتأجل وهو حريق جزئي في منطقة صغيرة في الديكور مش كل الديكور ولسه هيبلغوني بمعاد إستئناف التصوير".