محمد أنور بعد الهجوم على أحمد السقا: السوشيال ميديا بقت مرعبة وكشفت سواد الناس
حرص الفنان محمد أنور على توجيه انتقادا حادا لـ السوشيال ميديا، وذلك بعد الإهانة والسخرية التي طالت الفنان أحمد السقا في الفترة الماضية، نتيجة فيديو دعمه لـ نجم الكرة العالمي محمد صلاح، وتوجيه رسالة حادة لإدارة ليفربول.
محمد أنور عن أحمد السقا: أيقونة الأكشن في مصر
وقال محمد أنور في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: احمد السقا فعلا ميجا ستار، فيه ناس بتقولها علي نفسها معملوش ربع تاريخه ولا اعمالهم هتعيش وهتعلم زي اعماله كل افلامه علامات في تاريخ السينما المصرية.
وتابع أنور حديثه، قائلا: أحمد السقا اصبح ايقونه في الاكشن والناس في الشارع لما بتلاقي واحد قلبه جامد بتقوله ( انت فاكر نفسك احمد السقا ولا ايه ) ومحمد صلاح عمل تاريخ مشرف واصبح ملهموخلي المستحيل ممكن ووصل لمكانه اظن مفيش حد عربي هيوصلها تاني علي الاقل طول ماحنا عايشين.
محمد أنور يشن هجوما حادا على رواد مواقع التواصل الاجتماعي
وشن محمد أنور هجوما حادا على رواد مواقع التواصل الاجتماعي، بعد سخريتهم من أحمد السقا، قائلا: فبدل مانفرح اننا حضرنا ده لا بنحاول نهده ونفرح فيه وبنتمني وقوعه بسرعه،وقبلهم مجدي يعقوب وعمرو دياب ومني زكي وخوض في اعراض ومين طلق ومين اتجوز ومين مات وغيرهم كتير.. السوشيال ميديا مفيده احيانا وفيها ناس محترمه كتير وكلامهم مهم واراءهم محترمه حتي لو كان نقد سلبي لكنهم للاسف قله.. اما الغالبيه العظمي والاكثر تأثيرا علي السوشيال ميديا كلها ترندات هدم سواء في شخص او مجتمع وشتايم وتريقه واثاره فتن ودي بتأثر عالوعي الجمعي اكتر وانا نفسي بتأثر بده حتي لو كنت اعرف الشخص ده وعارف انه مايعملش كده لكني للاسف بصدق.
محمد أنور: هنستلم مين النهاردة ونهينه عشان بكرة يبقى فيه ضحية جديدة هينام معيط
واستكمل: السوشيال ميديا اصبحت مرعبه حقيقي وطلعت كل اللي في النفوس، بقي سهل الواحد يطلع كل السواد اللي جواه في الحقيقه عالسوشيال ميديا من غير خوف لان محدش شايفه ولا هيحاسبه، ومحدش بيحط نفسه مكان اللي بيشتمه ده انه مهما كانت نجوميته او مركزه وقيمته في المجتمع فهو في الاخر انسان زيك لما يقرأ الكلام ده او حد من اهله او اولاده ممكن يحصله ايه وهينام اليوم ده عامل ازاي ومحدش بيديله فرصه يدافع عن نفسه يمكن يبقي مظلوم بس ازاي نسمع منه كده الترند هيبوظ.. المهم هو الترند .. هنستلم مين النهارده ونهينه هو واهله بسرعه مفيش وقت عشان بكره فيه ترند جديد وضحيه جديده هينام بكره معيط هو كمان.
جوجل نيوز
تطبيق نبض
