محمد رمضان: انا طماع ومبشوفش حد بيكرهني وبعض الناس خطواتي بتأذيها بدون ما أحس
تحدث الفنان محمد رمضان خلال لقاءه مع الإعلامي أنس بوخش في برنامج abtallks، عن طفولته، ومواقف صعبة تعرضها لها فيها، ورد على وجود عدد من الناس يكرهونه، وذلك في لقاء إعلامي نادر له.
محمد رمضان عن طفولته: كان طموحي ألمس الهرم
قال محمد رمضان في تصريحات رصدها موقع تحيا مصر: لو هلخص طفولتي في 3 كلمات هكون بسيط، راضي طموح، وأنا صغير كان طموحي إني ألمس الهرم ومكنتش عارف أروحه ازاي وزوغت من المدرسة وقولت هروح الهرم.. توهت وفضل اليوم ده علامة سودة في حياتي وكل أما اجي أسعى لحاجة أفتكره.
محمد رمضان يكشف حقيقة كره الناس له
رد محمد رمضان على تصريح أنس بوخش بشأن كره الناس له، قائلا: مبشوفش حد بيكرهني خالص، بالعكس بيربطني بالجمهور علاقة نادرة مبتحصلش بينهم وبين فنان كتير ولكن ممكن بعض الناس خطواتي بتأذيهم بدون ما أحس، أحيانا باخد خطوات بتقلل من شغل ناس تانية بدون ما أشعر فبيبقوا فاكرني بحاربهم وأنا ولا في دماغي ده خالص.
وتابع محمد رمضان حديثه خلال اللقاء: الطمع صفة بنميها جوايا أنا مش بكتفي بالنجاح.. ممكن ممثل يوصل أنه يبقى أعلى أجر في الدراما ويكتفي بده.. لكن أنا قررت إني اخد ريسك وأغنى، أنا راجل محقق نجاحات كبيرة في السينما بعبده موته وغيره، ليه أروح اعمل الكنز؟، أنا مبحبش أكون ثابت في مكاني لازم أطور من نفسي وأنجح أكتر واستمر في النجاح مش احافظ عليه وأقف عند نقطة معينة وخلاص.
محمد رمضان ينتظر فيلم أسد
يذكر أنه ينتظر الفنان محمد رمضان طرح فيلمه الجديد أسد في السينمات المصرية والعربية خلال العام المقبل، حيث من المتوقع أن ينافس في افلام ليلة رأس السنة ، أو افلام عيد الفطر، وحتى الآن لم يكشف عن الموعد النهائى لعرضه، ومن المقرر أن يشارك به كلا من النجمة رزان جمال في أول بطولة سينمائية لها، والفنان ماجد الكدواني، وكم المتوقع أن يحقق نجاحات كبيرة في فترة عرضه.
جوجل نيوز
تطبيق نبض
