ملهاش علاقة بحلقات الكبار.. أول تعليق من الطفل ريمون بعد ظهوره مع في برنامج بلايند ديت
خرج الطفل ريمون للرد على الدل المثار بشأن ظهوره هو والطفلة ريما في بلايند ديت ببرنامج BingeCircle، مشيرا إلى أن القائمين على البرنامج أكدوا لهم أن محتوى الحلقة سيكون مختلفا تماما، وأنهم سيتحدثون عن المدرسة والدراسة وأصدقاءهم، فضلا عن حديثهم عن التوفيق بين الدراسة والتمثيل، ودورهم معرفة بعضهم البعض من أصواتهم.
أول تعليق من الطفل ريمون بعد ظهوره مع في برنامج بلايند ديت
وكتب الطفل ريمون في منشور رصده موقع تحيا مصر على حسابه الرسمي بموقع التواصل الاجتماعي فيسبوك: "كنت حابب اوضح كام نقطه بخصوص برنامج the blind date show من أربع شهور كلمونا القائمين علي البرنامج عشان نروح نعمل حلقه ووضحولنا قبل منروح ان الحلقه غير الحلقات العاديه وغير حلقات الكبار خالص حته ال topics الهنتكلم فيها مواضيع ليها علاقه بالمدرسه والنادي وأصحابنا وبنذاكر ازاي وازاي بنعرف نوفق بين الدراسه والتمثيل وكدا".
وتابع حديثه: فعلا ده اللس حصل والحلقة كانت حلقة طفولية جدا ملهاش علاقه بالمحتوي البيتكلم في البرنامج خالص وان الحلقه كانت عباره عن ان دي لعبه بكلم حد أنا مش شايفه وبحاول أعرف أنا قاعد مع مين بس مش اكتر والحلقه نزلت وشوفناها كلنا وكانت حلقه جميله جدا وكله طفوله وضحك وهزار ولا تمد ب اي صله ب محتوي البرنامج الأساسي".
الطفل ريمون بعد جدل ظهوره في برنامج بلايند ديت: لو كنتوا شوفتوا الحلقة كنتوا هتفهموا الحقيقة
واختتم الطفل ريمون حديثه: وبعدها بساعة بالظبط الحلقه اتشالت بسبب كل الهجوم الحصل عليها مع انكم لو كنتوا شفتوا الحلقه كنتوا هتفهمه انها غير حلقات الكبار خالص حته لغوا اننا ندي لبعض rate بعد كل round وشكرا.
وكانت والدة الطفلة ريما أيضا، قد ردت على الجدل المثار بشأن ظهورها أيضا في بلايند ديت ببرنامج BingeCircle ، فقالت في تصريح خاص لـ موقع تحيا مصر: "أول ما اتعرض عليا ظهور ريما في البرنامج قولت لا، المحتوى المعروف بالنسبالي مش مناسب لطفلة ففهموني إنهم بيعملوا فكرة جديدة والطفلين هيتكلموا عن الدراسة والمدرسة، والفكرة أنهم هيعرفوا بعض من صوتهم ولا لا".
والدة الطفلة ريما: باعدة بنتي عن السوشيال ميديا
واختتمت: البرنامج متصور من 4 شهور ونزل في وقت الدراسة، وكل كلام الطفلين عن الدراسة والهوايات والمدرسة والهجوم اللي حصل غير مبرر والحلقة مفيهاش حاجة غلط، انا باعدة بنتي عن أي حاجة ليها علاقة بالسوشيال ميديا حتى معندهاش تيك توك.
جوجل نيوز
تطبيق نبض
