مي عمر: نجاح برومو مسلسل الست موناليزا فاق توقعاتي وmbc داعم حقيقي ليا
أعربت الفنانة مي عمر عن سعادتها بنجاح برومو مسلسل الست موناليزا، فضلا عن ردود الفعل الإيجابية المنتشرة على مواقع التواصل الاجتماعي المختلفة عن العمل، موجهة الشكر لمجموعة mbc، ووصفتهم بأنها الداعم الحقيقي والسند لها.
مي عمر: نجاح مسلسل الست موناليزا فاق توقعاتي
وكتبت مي عمر في منشور رصده موقع تحيا مصر على حسابه الرسمي بموقع التواصل الاجتماعي فيسبوك: الحمد لله رب العالمين النجاح الكبير اللي شفته على برومو مسلسل "الست موناليزا" فاق كل توقعاتي، حقيقي أنا مبسوطة جدًا بردود الأفعال الحلوة على برومو المسلسل وإن شاء الله المسلسل يعجبكم.
وتابعت مي عمر حديثها: لأن النجاح بيبقى أجمل لما يتشارك، البوست ده إهداء من قلبي لمجموعة MBC، الداعم الحقيقي والسند اللي عمري ما حسيت معاهم إني لوحدي. MBC مش بس قناة عرض، دي بيت وشريك نجاح.
مي عمر: ممتنة لفريق عمل مسلسل الست موناليزا الرائع
واضافت: شكر خاص جدًا للأستاذ محمد عبد المتعال، على دعمه الكبير، وثقته المستمرة، وإيمانه الصادق بيا وبكل مشروع بقدمه، وبالنسبة للأستاذ محمد مصطفى، بجد مش لاقية كلام يوفّي حقه. اهتمامه الحقيقي بكل تفصيلة في مشاريعي، وحرصه الدائم إنها تطلع بالشكل اللي يليق بيا وبالجمهور، مع تفكيره الاستراتيجي ورؤيته الواضحة، مش بس بيخلّوا المشروع ينجح، دي عوامل بتصنع فرق وبصمة حقيقية. وجوده دايمًا مصدر أمان وثقة كبيرة ليا، ودعمه قيمة أفتخر بيها جدًا.
واكدت مي عمر: ممتنة جدًا لفريق شاهد الرائع: أ.طارق الإبراهيمي، أ.آية مدحت، أ.مها كازامل، و أ.رانيا بدر على احترافيتهم، ودعمهم، ومجهودهم اللي دايمًا بيبان في النتيجة. روح الفريق عندهم بتخلي أي مشروع يوصل بأفضل صورة.
مي عمر: كل نجاح وراه ناس آمنت، واشتغلت، وتعبت.
واستكملت حديثها: شكر كبير لشركة الإنتاج، وللأستاذ حسن العسيري المنتج، على ثقته، وتعبه، وإيمانه بكل مشاريعي من أول لحظة. يا رب دايمًا وشنا يبقى حلو على بعض، شكر خاص للأستاذ طارق فهمي والأستاذ محمد عبد الوهاب، على دعمهم، وتعاونهم، ومجهودهم الصادق اللي ما بيتنسيش.
واختتمت مي عمر حديثها: كل اسم من دول كان له بصمة حقيقية في الرحلة، وكل نجاح وراه ناس آمنت، واشتغلت، وتعبت، شكرًا من القلب… لأن النجاح دايمًا بيكون أجمل لما يتشارك.
جوجل نيوز
تطبيق نبض
