ياسمين عز: ما تغلطوش.. الشتاء لسه موجود والليلة بردها قاتل
حذرت الإعلامية ياسمين عز من التقلبات الجوية الحالية، مؤكدة أن الطقس لا يزال شتويًا، خاصة في ساعات الليل، رغم ارتفاع درجات الحرارة خلال النهار.
وقالت عز خلال برنامجها «كلام الناس» المذاع عبر قناة MBC مصر:"الطقس متقلب جدًا دلوقتي، الصبح تحس بالدفء والنهار جميل، وبالليل تبقى البرودة شديدة. نصيحتي ليكم، ما تلبسوش كتير الصبح وما تقلعوش بالليل، إحنا لسه في الشتا ولسه الصيف ما وصلش!"
الليل بارد.. والحذر واجب
وأكدت أن البرودة الليلية لا تسمح بالتراخي في ارتداء الملابس، موضحة أن تجاهل هذه التقلبات قد يؤدي إلى نزلات برد ومشكلات صحية، مضيفة: مش معقول تتعاملوا وكأن الصيف بدأ.. البرودة الليلية لسه واضحة ولازم ناخد بالنا ".
ووجهت ياسمين عز رسالة للسيدات، دعتهم فيها للاهتمام بالوجبات الدافئة خلال هذه الفترة، وقالت:"قبل ما الشتا يخلص، اعملي لجوزك النهاردة بالليل طبق دافي، حتى لو بسيطة ممكن القدسية أو أي مشروب شتوي تحبيه، أو حتى أرز باللبن ساخن، سحلب بالمكسرات، أو شاي بالنعناع دي حاجات بسيطة لكنها بتخلي الجو دافي والأجواء أسرية ".
وتابعت حديثها بالتأكيد على أن إدخال التجديد ولو بأبسط الأشياء في الحياة اليومية يخلق جوًا أسرّيًا دافئًا يناسب طبيعة الطقس البارد.
واختتمت:"الاهتمام والتجديد مش رفاهية، ده جزء من حياتنا اليومية، خصوصًا في الأيام اللي الجو فيها متقلب وبردها بيكون قاسي ".
وفي نفس السياق، عبرت الإعلامية ياسمين عز عن حنينها للألعاب الشعبية القديمة التي كانت جزءًا أساسيًا من طفولتها، مشيرة إلى أن الأطفال في الوقت الحالي فقدوا الكثير من هذه الأنشطة المفيدة والممتعة، ودعت عز الأمهات إلى إدخال هذه الألعاب داخل المنازل، لتشغيل الأطفال بطريقة إيجابية بعيدًا عن الشاشات والأجهزة الإلكترونية.
وقالت عز:"الألعاب القديمة كانت ممتعة وبتنمي قدرات الأطفال، وأنا شخصيًا كان عندي ذكاء كبير وقدرات، ولو ركزت شوية بدل الدراسة اللي خلتني أطلع مذيعة، كنت ممكن أكون رائدة فضاء!"
وأضافت: "ممكن أديكم أفكار من أيامنا.. إحنا كنا نطلع زي الفل، وده دليل إن الألعاب مش بس تسلية، لكنها بتنمي مهاراتنا."
جوجل نيوز
تطبيق نبض
