عزة فهمي لـ"لميس الحديدي": لسه بعمل اللارنج الملفوف زي جدتي

كشفت عزة فهمي رئيس مجلس إدارة شركة عزة فهمي للحلي، وكل من ابنتيها أمينة غالي رئيس التصميم في شركة عزة فهمي للحلي، فاطمة غالي الرئيس التنفيذي لشركة عزة فهمي للحلي، عن جوانب إنسانية وعائلية في حياتهن، جمعت بين تفاصيل البيت البسيطة ومسؤوليات العمل الكبيرة، من دون أي تعارض بين العالمين.

حلقة عزة فهمي

وخلال حلقة اليوم من برنامج "رحلة المليار"، عبر قناة "النهار، سألت لميس الحديدي: "لسه بتعملي الحاجات دي؟ اللارنج.. اللارنج؟" لترد عزة فهمي بابتسامة واضح: "اللارنج طبعاً، ده مامي بتعمله.. اللارنج.. أنا بعمل لارنج زي لارنج جدتي الملفوف، فاكرة الملفوف؟".

وعندما تابعت الحديدي: "أيوه طبعاً، وبتعملي البلح اللي بتحشيه بقى"، أجابت عزة فهمي: "أيوه بحشيه لوز وقرنفل، ولوز".

من جانبها، أوضحت أمينة غالي موقفها هذا العام قائلة: "فأنا بالنسبة لي بس السنة دي بطلت، قلت أنا عندي واحدة في الماركتنج قلت لها أنا السنة دي مش هعمل لارنج ولا هعمل.. خلاص ستوب".

لكنها أكدت أن ما يدهشها حقاً هو هذه "التركيبة" في شخصية والدتها، مضيفة: "فأنا بالنسبة لي التركيبة دي اللي هي ست بيت أوي وأم أوي، إنها يجي معاها بالانس إنها تبقى كمان مصممة، أنا دا بالنسبة لي أعجوبة شوية كتير".  

وفي سياق الحديث عن المسؤولية، وجهت لميس الحديدي سؤالها إلى فاطمة غالي قائلة: "فاطمة، ماما كانت (Single Mother) يعني أم لوحدها، شايلة المسؤولية؛ المسؤولية المادية، شايلة مسؤولية التربية.. إنتي شوفتيها إزاي؟". 
لتجيب فاطمة بوضوح وصراحة: "شوفتها بطرق مختلفة، شوفتها بالطريقة اللي أمينة قالت عليها إنها كانت متواجدة جداً وشايلة مسؤولية كبيرة جداً".

وأوضحت أن حجم المسؤولية كان مضاعفاً لأنهن كنّ يعشن في بيت كبير، قائلة: "لأن إحنا كنا عايشين في بيت كبير فكان لازم تاخد بالها من الأرض وعايزة تزرع كمان في الأرض"، مؤكدة أن المسؤولية "كانت كبيرة أوي".

وأضافت فاطمة غالي أنها كانت ترى والدتها من زاوية أخرى أيضاً، هي زاوية الضغوط المهنية، قائلة: "وكنت شايفة دا من ناحية تانية من حجم الضغوطات اللي عليها، يعني إنها عايزة تنجح"، موضحة أنه قبل أن تبدأ هي وأمينة العمل معها، "كان كل ده على ماما بس، وكان ساعتها بقت شركة وفي أكتر من محل وكدة، كل المسؤولية دي كانت عليها هي لوحدها".