محمد سامي لنجم شهير: مينفعش مسلسل مش متشاف اطلع أقول للناس انه مكسر الدنيا
خرج المخرج محمد سامي في فيديو على حسابه الرسمي بموقع التواصل الاجتماعي فيسبوك، يرد به على جدل الاعلى مشاهدة بعد خروج أكثر من نجم في دراما رمضان معلنا أن مسلسله هو الأكثر مشاهدة وفقا لمستندات وأرواق رسميا، ليقول محمد سامي أن مستندات التليفزيون ليست صحيحة بنسبة كبيرة.
محمد سامي يرد على جدل الأعلى مشاهدة
قال محمد سامي في فيديو رصده موقع تحيا مصر: نجم زميل عمل فيديو فيه مستندات وأوراق وقال أنا المسلسل رقم واحد، إحنا بنحدد رقم واحد على أساس اي ناس في الشارع ومنصات وتليفزيون وده بيكون صعب جدا أنا كنجم لما أسيب المنصة اللي أنا فيها 7 و 10 وأقول أنا رقم واحد على شيء مقدرش أثبته ده غلط.
وأضاف محمد سامي: لما كان جعفر العمدة رقم واحد في الشارع والتليفزيون كان رقم واحد على المنصة المسلسل رقم واحد في حتة رقم واحد في كل حتة.
محمد سامي: الناس هتضحك عليك لما تقول إنك أعلى تقييم آخر 10 سنين
وأضاف محمد سامي: اني اطلع أقول المسلسل بتاعي أعلى تقييم اخر 10 سنين، الناس تضحك عليك على طول، ولو سأل الجمهور ايه اكتر مسلسل رائج اخر 10 سنين مع احترامي لكل زمايلي ومسلسللاتهم، لكن فيه مسلسل اسمه جعفر العمدة هو ظاهرة مفيش مسلسل تاني وصل لحالة الرواج دي، زي ما بنقول برنامج رامز جلال ظاهرة، وبالتالي لما بنيجي النهاردة نحاول نغفل الجمهور وأقول أنا مسلسلي ده الأعلى آخر 10 سنين.
واختتم محمد سامي حديثه: مينفعش مسلسل مش تشاف اطلع أقول للناس انه مكسر الدنيا، وعن فكرة الأعلى أجرا، أضاف: "نفس الموضوع على فكرة الأعلى أجرا، مينفعش أطلع أقول أنا الأعلى اجرا، وافتكر كله معروض اجره كام لانه بيدفع ضرايب، وتعالوا نعمل زي نجوم هوليوود لما بيمضوا على فيلم او مسلسل بياخدوا صورة للأجر وبينزلوها على السوشيال ميديا.
عمرو سعد: مسلسل إفراج متصدر بتقارير معتمدة مش مزورة
ويذكر أن عمرو سعد كان قد خرج منذ قليل هو الآخر وقال: لاول مرة ننشر التقارير المعتمدة مش المزوره وكنت اتمني ان الشركات والمحطات تعلنها وبكدة نقفل الباب علي المدعين اللي بيحاولوا يزورا الحقايق اللي مستحيل إنكارها وصعب جدا انك تضحك علي الناس وتزيف وعيهم.
جوجل نيوز
تطبيق نبض
