عفروتو يروي كواليس أزمته المالية ودور سيد عبد الحفيظ في إنقاذه
كشف مصطفى عفروتو لاعب الأهلي السابق عن تفاصيل أزمة مالية صعبة مر بها خلال الفترة الماضية، مؤكدًا أن الكابتن سيد عبد الحفيظ هو الوحيد الذي وقف بجانبه وكان السبب الأول في تخطي الأزمة، ويستعرض تحيا مصر التفاصيل.
عفروتو يروي كواليس أزمته المالية ودور سيد عبد الحفيظ في إنقاذه
وقال عفروتو: "من فترة قريبة حصلتلي أزمة مالية كبيرة جدًا، وأول ناس جت في دماغي ألجأ لهم محدش وقف معايا، في اللي شاف الرسالة ومردش، وفي اللي كلمته وعرف المشكلة ومردش تاني، وده خلاني أحس بصدمة كبيرة".
وأضاف عفروتو: "وأنا قاعد لقيت كابتن سيد عبد الحفيظ بيكلمني، وبيقولي يا عفروتو إحنا عندنا دورة في الأهلي وعايزينك تكون موجود، ودي كانت بداية خير بالنسبة لي، وروحت وشاركت والدنيا كانت كويسة جدًا".
وتابع عفروتو حديثه قائلًا: "بعد ما خلصنا، وأنا قاعد مع كابتن سيد، قولتله أنا عندي ظرف كبير ومحتاج أخلصه، وشرحتله كل حاجة بالتفصيل، لأني كنت فعلًا في أزمة كبيرة وممكن الموضوع يوصل إني أتحبس".
وأوضح عفروتو: "اتفاجئت إن كابتن سيد عبد الحفيظ من غير ما يتردد دفعلي 100 ألف جنيه من معاه عشان يخلصلي القصة، وده كان موقف كبير جدًا مش هنساه طول عمري".
واستكمل عفروتو: "الموضوع مش وقف عند الفلوس بس، ده كمان جه معايا البنك وفضل معايا لحد ما خلصلي كل الإجراءات وحللي المشكلة بالكامل، وكان بيطمني طول الوقت".
وأشار عفروتو إلى الدعم النفسي الذي تلقاه، قائلًا: "أنا عمري ما هنسى وإحنا بنعدي الطريق أنا وهو، قالي متخافش أنا معاك ومش هسيبك، والكلام ده فرق معايا جدًا في وقت كنت محتاج فيه حد يطمني".
واختتم عفروتو تصريحاته بالتأكيد على امتنانه الكبير، حيث قال: "أنا بجد مش عارف أشكره إزاي، ومش فاهم هو عمل معايا كده ليه، بس اللي متأكد منه إني عمري ما هنسى الموقف ده طول حياتي".
جوجل نيوز
تطبيق نبض
