شيرين عبد الوهاب: الغناء بالنسبالي حياة وهعمل حفلة كبيرة في مصر

في مداخلة هاتفية مع الإعلامي عمرو أديب ببرنامج الحكاية، كشفت الفنانة شيرين عبد الوهاب عن أهمية العناء بالنسبة لها، مشيرة إلى أنه لا يقدر بثمن، كما وجهت نصيحة هامة للجمهور تعلمتها من أزمتها الصحية التي مرت بها مؤخرا.

شيرين عبد الوهاب: الغناء بالنسبالي حياة وكان وحشني أوي 

وقالت شيرين عبد الوهاب في تصريحات رصدها موقع تحيا مصر:  الغناء بالنسبالي حياة حتى لو معايا فلوس الدنيا كلها، كان وحشني أوي وهتشوفوا مني كل شوية تصريحات قبل ما اغنيتي الجديدة تنزل.

ووعدت شيرين عبد الوهاب جمهورها بحفل غنائي كبير في مصر، حيث ردت على قول عمرو أديب: "أنا مستني منك حفلات في جدة والرياض"، وفي مصر كمان يا استاذ عمرو أنا نفسي أعمل أكبر حفلة في مصر.

شيرين عبد الوهاب توجه نصيحة لجمهورها 

وحرصت شيرين عبد الوهاب على توجيه نصيحة لجمهورها، قائلة: لو تعرفوا قيمة السرير اللي بيناموا عليه ولما بيصحوا يلاقوا باب أوضة مقفول عليهم، أو يلاقوا عربيتهم بتكلكس، أو عربية فول قدامه، وأنك تشم هوا نضيف، كل حاجة في حياتنا نعمة بس مش عارفين قيمتها.

وحرصت شيرين عبد الوهاب على طمئنة الجمهور على حالتها الصحية، قائلة: احنا كويسين وبنتي مسافرة لندن تعمل دكتوراه.. وأنا هفضل صغيرة مش هكبر.

شيرين عبد الوهاب توجه الدعاء لـ هاني شاكر 

وبعد سنوات من الخلاف حرصت شيرين عبد الوهاب على توجيه الدعاء لـ هاني شاكر، قائلة: لف سلامة عليك ويارب ترجعلنا بخير ولجمهورك ولبلدك.. ربنا معاك ودعواتنا كلنا ليك.

من جانبه قال عمرو أديب لـ شيرين عبد الوهاب: أوعي احنا بنتغذى عليكي كل يوم.. محدش يقدر يقرب منك.

شيرين عبد الوهاب: زينة كانت بتربيلي عيالي ومحمود الليثي فرشلي شقة

شيرين عبد الوهاب عن عودتها: طلعت من الموت قولتلهم أنا موجودة وهعيش.. أنا عنيدة ومفيش حاجة تعيبني

أغنية شيرين عبد الوهاب الجديدة

يذكر أن شيرين عبد الوهاب كانت قد طرحت منذ قليل أغنية الحضن شوك من كلمات وألحان عزيز الشافعي وتوزيع توما، وتقول كلماتها: عايزة اشتكي اشكي واترمي في حضن اقرب حد وابكي ابكي، اترمي في حضن اقرب حد وابكي ابكي، عايزة اشتكي واشكي آه اشكي واترمي في حضن اقرب حد وابكي ابكي، واترمي في حضن اقرب حد وابكي، بس الحضن شوك والجرح جاي من القريب، عالم غريب انا جيته ليه مطلبتش اجي ولا بمزاجي كان النصيب، الحضن شوك والجرح جاي من القريب، عالم غريب انا جيته ليه مطلبتش اجي ولا بمزاجي كان النصيب، ويا دنيا ليه؟ يا دنيا ليه؟ عملتي ايه فيا وظلمتيني، لا يوم حضنتيني ولا يوم صاحبتيني لا يوم نصفتيني ولا يوم عرفتيني، ويا دنيا ليه؟ يا دنيا ليه؟ عملتي ايه فيا وظلمتيني، زرعتي ايه فيا؟ شوف اللي جنيتيه؟ الذنب ده ذنبي ولا انتي جنيتيه؟ انا خدت ايه منك؟ ايه مني خدتيه؟ كان في السما قلبي عالأرض دوستيه، ده الحضن شوك والجرح جاي من القريب، عالم غريب انا جيته ليه مطلبتش اجي ولا بمزاجي كان النصيب، ويا دنيا ليه؟ يا دنيا ليه؟ عملتي ايه فيا وظلمتيني، لا يوم حضنتيني ولا يوم صاحبتيني لا يوم نصفتيني ولا يوم عرفتيني.