«كامل الوزير» من البرلمان: الطرق بين المحافظات وداخلها تحتاج ٢٥٧ مليار جنيه

قال الفريق كامل الوزير وزير النقل، إن الطرق بين المحافظات وداخل المحافظات تحتاج ٢٥٧ مليار جنيه، موضحا : " الطرق داخل المحافظات تحتاج اعتمادات مالية ١٢٠ مليار ، والطرق بين المحافظات تحتاج ١٣٧ مليار، مصيفا في حديثه للنواب : "كلكم مصريين وعارفين إن الدولة ما تقدرش توفر الرقم دا في سنة واحدة".


وأضاف "الوزير" في كلمته خلال اجتماع لجنة النقل والمواصلات بالبرلمان المنعقد الآن برئاسة النائب هشام عبد الواحد، أن الوزارة أسست ١٤ كوبري علي النيل في سنتين فقط، متابعا : " منذ بدء الخليقة، إتعمل ٢٦ كوبري معدني علي نهر النيل".


وبشأن المزلقانات، قال الوزير في حديثه للنواب، : " اللي شايف عنده مزلقان قانوني، وما اتعملش معاه كوبري مشاه، يبعتلي وهننسق مع رئيس المنطقة فورا"، مؤكدا أنه سينتهي من كوبري كلبشا هذا العام، مشددا : " الكوبري دا شغال من ٢٠٠٩، مش هبدأ في حاجة جديدة، إلا لما اعمله، ولو ما عملتوش السنة دي أبقي وزير فاشل".