أقوال الزوج فى انتحار طبيب بشرى خائن بالهرم: لقيت مراتى عريانة فى حضنه وضربنى ونط

تحقيقات مثيرة في واقعة انتحار طبيب بشرى قفزا من الطابق الـ12 بمنطقة المشعل بالهرم، هربا من زوج عشيقته، حيث أكد الزوج قائلا:"أنا تعبت شويه في الشغل، استأذنت وروحت بدري قبل ميعاد الانصراف بـ3 ساعات، رجعت الشقة، فتحت في هدوء فكرت إن مراتي نايمة، ولما دخلت سمعت أصوات من أوضة النوم، دخلت لقيت مراتي عريانة في حضن واحد تاني، حاولت أمسك عشيقها ضربني ونط من شباك شقتي اللي في الدور الـ12 وقع مات".

وأوضح الزوج، خلال تحقيقات النيابة العامة، قائلا:" كان نفسي أقتله حاولت أمسك مراتي أخلص عليها، بس هي هربت ونزلت جري على الشارع، مؤكدا مفيش دقايق والناس بلغت، والدنيا كلها عرفت إن مراتي ست خاينة وفضحتني قدام الجيران، وعرفت إن عشيقها ده كان بيجي ليها من 8 شهور وهو طبيب بشري ومن نفس القرية بتاعتها بمحافظة الفيوم، كان نفسي أقتله وأقتلها".
وكان فرد أمن قد اكتشف خيانة زوجته مع طبيب بشرى، واتهم خلال التحقيقات زوجته بالزنا وتم التحفظ عليهما لحين اصدار قرار النيابة بحقهما.