عميل أورنج Orange : "شركة فاشلة بكل المقاييس"

شكاوى عملاء أورنج Orange
قال مجدي عميل أورنج Orange "حابب اتكلم عن تجربتي مع شركة أورنج شركة فاشلة بكل المقاييس.. قعدت من غير نت 27 يوم من تغير الخط الأرضي من نحاس الي فايبر مع العلم الحرارة اشتغل من بعد يومين من تغير الرقم".
وأضاف "النت اشتغل عندي شهر ونصف وبعدين اتعملي الغاء من الشركة دون طلب الغاء وبعد عمل شكوي اشتغل الخدمة تاني يوم حاليًا المشكلة اللي عندي وهيا الآتي:
- الفاتورة يوم 28/12/2019
- دفعتها يوم 9/1/2020 أورنج بتدي 15يوم سماح للدفع
- أنا مشترك علي باقة 30 ميجا سعة 180جيجا
- يوم 10/1/2020 لقيت السرعة نزلت ل 1 ميجا
- اتصل بخدمة العملاء بقولهم السرعة نزلت 1 ميجا
- رد عليا موظف خدمة العملاء انت يا فندم استهلكت الجيجات بتاعك ازي يا فندم. وانا لسة الفاتورة نازلة يوم 28/12/2019
- رد عليا و قالي يافندم معاد نزول الجيجات غير مع نزول الفاتورة ازي طيب ايعقل الكلام ده قالي في خطا ونحل الخطأ ده
- هنقدم طلب ان معاد نزول الجيجات يكون نفس معياد نزول الفاتورة وغير كدا يفندم كلها 4 ايام والجيجات هتنزل يوم 14 قولته ماشي قدمت طلب أن يكون المعياد واحد الفاتورة و نزول الجيجات".

وتابع عميل أورنج Orange : "استنيت يوم 14 ان ينزلي الجيجات علشان السرعة توصلني كاملة مفيش اي حاجة حصلت.. اتصلت بخدمة العملاء رد عليا وقالي معاد نزول الجيجات اتغير وأصبح نفس معياد نزول الفاتورة يوم 28عليك تنتظر لليوم 28 أنا ذنبي إيه انتظر كل ده المشكلة عندكم من البداية.. دافع فاتورة ومستخدمتش النت .. نزلي الجيجات وبعدين اظبط المعاد زي ما انت عوز دي مشكلتك انت انا مليش دعوة بيها".

وذكر عميل أورنج Orange : " لايوجد خاصية إظهار الرصيد بتاع الباقة.. بدخل علي الموقع بيقولي خطأ انت غير مشترك.. سوء المعاملة من قبل موظفي خدمة العملاء.. أنا سوف اتجه الي الجهاز القومي للاتصالات.. أنا مقدم شكوي والشكوي اتقفلت من عندكم وانا مشكلتي متحلتش".