نقد لاذع من عميل البنك العربي الأفريقي : "خدمة سيئة وسيستم فاشل"

شكاوي عملاء البنك العربي الأفريقي
وقال عميل البنك العربي الأفريقي عبر صفحة البنك الرسمية على موقع التواصل الاجتماعي ، "فيس بوك"، أنها من أسواء التجارب التى مرت عليه: "تجربة زى الزفت مع البنك العربي الأفريقي.. خدمة سيئة وإدارة بايظة وماكينات atm متهالكة و سيستم بشع.. مرتين فى شهرين أعمل سحب وإيداع من ماكينتين مختلفتين والفلوس تتسحب أو تتاخد وميتعملهاش إيداع فى الحساب أو متطلعش من الماكينة".

وأضاف : "يوم 10 يناير قمت بمحاولة سحب مبلغ من ماكينة الـ atm موجودة فى أحدى المحلات التجارية اتسحبت من الحساب بس مطلعتش من الماكينة كلمتهم فى ساعتها بلغت بالموضوع و قالولى 3 أيام عمل والفلوس هترجع تانى الحساب.. كلمتهم بعد 3 أيام.. قالولى لأ لسة واصل الموضوع بياخد من 3 إلى 5 أيام عمل".

 اقرأ أيضًا.. البنك العربي الأفريقي يحقق طفرة مصرفية.. بنك مصري بمعايير عالمية ومسيرة من النجاح (فيديو)
وتابع "كلمتهم يوم الخميس كانوا أخدوا إجاز الجمعة 10 و السبت 11 أجازة و عدى الخمس أيام عمل، وموظفة خدمة العملاء تقولى لا أصله بياخد بياخد من 5 إلى 7 أيام واتصل مرة تانية يقولولى أصل أيام العمل بتتحسب من تاني يوم الطلب وكده مر أربع أيام و خرك يوم الأحد .. و رفضوا يعملولى استعجال أو شكوى أو أى تصرف حاجة فى منتهى التهريج".

وأختتم حديثه "أنا مش عارف دلوقتى أعمل إيه.. ماكينات متهالكة وأصلا لما بتطلع فلوس بتطلع فكة كتير خمسينات وعشرينات وعدد قليل من الأوراق يعنى لو جيت تسحب مبلغ كبير لازم تقعد تسحبه على مرتين".