فضيحة صيدليات سيف.. حضور الشرطة لرفض صيدلي بيع كمامات فردية إلا بضعف سعرها (تفاصيل)

منذ تفشي فيروس كورونا المستجد في مصر، وأعلنت وزارة الصحة الإجراءات الوقائية الاحترازية اللازمة للمكافحة والتي كان أهمها ضرورة ارتداء الكمامات والتعقيم المستمر، بينمااستغلت بعض الصيدليات تلك الأزمة وقامت ببيع الكمامات بأسعار مضاعفة كما شكل عبء على المواطنين.

وهذا تؤكده ياسمين محسن، وقت قررت دخول إحدى الصيدليات الشهيرة، هي وزوجها، ليفاجآ برفض الصيدلي بيع أي كمامة، إلا في حالة شرائهم علبة كاملة، يصل سعرها إلى 140 جنيها.

تقول ياسمين: ياجماعه انهارده نزلت مع جوزي عشان نخلص اوراق ابني لتقديم المدارس نسيت أخد كمامات من البيت دخلنا صيدلية سيف، في شارع البطراوي فعباس العقاد نشتري ٢ كمامة و هاند جيل".

تتابع ياسمين: الصيدلي رفض يدينا كمامتين وقالنا لازم علبه!!! طيب ليه أنا محتاجه ٢ بس .. لا يافندم سوري هي علبة كاملة ... قولناله طيب احنا نقدر نشتري علبه غيرنا مش هيقدر قالنا برضو مينفعش لازم علبة.

وأضافت ياسمين، "طلبناله الشرط قسم أول مدينه نصر وقف مردش علينا علي أساس مش مصدقنا يعني وبنهوشه.
لما جت الشرطه قالنا خلاص يافندم خدو كمامتين زي مانتو عاوزين !!!!! طيب بكام .. الكمامه ب ٧ جنيه ال ٢ ب ١٤ جنيه.. قولناله لا احنا هناخدها زي ما مجلس الوزرا والحكومة ماقالو ب ٢ جنيه فكل الصيدليات". 

اقرأ أيضا: جمال شعبان يعلن وفاة طبيبين في حلوان بفيروس كورونا


تؤكد ياسمين أن الصيدلي وافق على بيع العلبة والكمامة بنفس السعر الذي حددته "2 جنيها" لشراء العلبة ب 100 جنيها ليوافق فورا بسببب تواجد الشرطة، حتى هددته الأخيرة أنه في حالة تكرار الأمر سيتم دفع غرامة قدرها 50 ألف جنيها كما فرضتها الحكومة.

وأنهت ياسمين محسن كلامها: متسكتوش أبدا علي حقكو ولا الاستغلال احنا اللي بندي الناس دي فرصة تستغل كل مصيبه للمكسب لكن لو واجهتوهم صح محدش هيستغلكو أبدا".