داليا البحيري تكشف تفاصيل إصابة زوجها بفيروس كورونا

كشفت الفنانة داليا البحيرى، عن إصابة زوجها حسن سامى رجل الأعمال بفيروس كورونا المستجد، بعد ظهور نتيجة الفحوصات وإيجابية المسحة.

ودونت داليا البحيري على فيسبوك "أنا حبدأ بألف حمد وشكر ليك يارب.. لأن أنا عارفة ومتأكدة إن احنا عملنا اللي علينا وزيادة… حافظنا وقعدنا في البيت، وعقمنا وطهرنا، وشجبنا اللي نزل انطلق واتفسح… وأنا والحمد لله راضية جدا بقضاء ربنا- سبحانه وتعالى-… حسن جوزي وحبيبي طلع إيجابي فيروس كورونا…ربنا يشفيه ويعافيه يارب”.

وأضافت البحيري: “احنا كلنا عملنا مسحات.. أنا والأولاد، واللي بيساعدونا في البيت؛ عشان نطمن؛ لأننا كنا مخالطين لحسن… وبإذن الله نعرف النتيجة بكرة بليل.. وربنا يجيب العواقب سليمة يارب”.

اقرأ أيضًا..مذيع راديو "FM" يكشف تفاصيل إصابته بفيروس كورونا وطريقة تعامله معه "فيديو"

وأردفت: "أنا بقول الكلام ده ليه؟؛ عشان أي حد لازم يعمل كده، لازم يقول، وبكل وضوح؛ عشان الناس اللي كانت مخالطة ليهم يعرفوا، ويطمنوا على نفسهم… لأن دي أمانة… والمرض مش حاجة الواحد يخجل منها… بشكر كل اللي اتكلم يطمن على حسن وعلينا، وآسفة إن احنا مش ملاحقين نرد؛ عشان متكركبين، وبنشوف حنعمل إيه… دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر”.