عمرو راضى يوتيوبر مصرى يستغل مرضى كورونا لجمع اللايكات ومطالبات بالقبض عليه "فيديو"

طالب العديد من نشطاء مواقع التواصل الاجتماعي "فيس بوك"، سرعة القبض على عمرو راضي بعد عرضه آلاف العبوات من الأدوية المعالجة لفيروس كورونا والمستلزمات الطبية وغير متوافرة في الصيدليات من خلال مقطع فيديو قصير ليستطيع الحصول على العديد من المشاهدات والمتابعات.

انتشرت حالة من الغضب بين المواطنين بعد الفيديو الذي انتشر بشكل واسع لـ اليوتيوبر المصري عمرو راضي، مشددين على ضرورة أن ينال عقاب جسيم على فعلته.

ظهر راضي في الفيديو وبحوزته كمية كبيرة من المستلزمات الطبية من كحول وكمامات والآف من عبوات فيتامين "د" وعقار اللاكتوفيرين أحد العقارات المدرجة ضمن بروتوكول وزارة الصحة.

خرج عمرو راضي يبرر ما فعله قائلا: "أنا بعمل محتوى على الإنترنت من 8 سنين، والناس بتابعنى علشان تتفرج عليه، وبالتالي بقى عندى فولورز والأعداد بتكبر، وكلنا عارفين أن الانفولونسر بقوا يعملوا إعلانات زي الممثلين، وبما أن ناس كتير بتتفرج عليا وفى ناس تانية بيعملوا مشاريع صغيرة وبيضطروا يلجأوا لحد زيي علشان يعملوا دعاية، الشخص من دول بيكلمنى بقوله أنا هاخد 10 جنيه علشان أعملك إعلان".

وتابع: "وده حقي ولو 10 أشخاص كلموني هاخد من كل واحد 10 جنيه، دخلي وأكل عيشي من ده، ومقابل ده بعمل هدايا للناس المتابعين عندي، زي موبايلات أو سماعات وغيره".

اقرأ أيضًا..يوتيوبر شهير يحتكر 10 آلاف علبة دواء غير متوافرة بالسوق لجمع "اللايكات" والمتابعين: #حاسبوا عمرو راضي

وإستطرد عمرو راضي: "الفلوس اللى أخدتها من الاعلانات، قررت أتبرع بـ30% منهم بطريقتى الخاصة، الخير اللى اخترت أعمله فى أزمتنا مع كورونا من جيبى الخاص، نزلت دورت على شركات بتعمل ماسكات وحاجات طبية وقالولى على شركة معينة، روحت للشركة وخدت كمية ووزعتها على المستشفيات ولما طلعت أشكر الناس على الدعم والمساعدة الناس فهمت غلط".