طلاق على السوشيال ميديا..متابع يلقن محمد رشاد درسًا بسبب طلاقه الغير رسمي

كتب الفنان محمد رشاد، في منشوره الأخير عبر حسابه الرسمي على موقع تبادل الصور والفيديوهات الشهير "انستجرام"، قائلًا: " (الطلاق مرتان فإمساك بمعروف أو تسريح بإحسان).. الآية الكريمة دي بتلخص تفاصيل كتير مش هدخل فيها لانها تخصني وتخص طرف تاني كان في يوم جزء من حياتي".

استطرد حديثه قائلًا: "وبعد 3 مرات طلاق أكيد مينفعش نكمل وكأنه محصلش..أنا بطلب من الناس سواء بتحبني أو بتابعني أو متعرفنيش أصلًا أنهم يعدوا الموضوع كأنه مجاش قدامهم لاني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل تخص زواجي بالحلو أو بالوحش.. وفي الأول وفي ابلأخر ياريت نراعي أن البنت بتتأثر بالكلمة الوحشة قبل الحلوة".

وتابع: "قضينا أيام منها الحلو ومنها الي مش حلو وكل شيء نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا".

هاجم أحد المتابعين الفنان محمد رشاد بعد منشوره الأخير عن طلاقه، قائلًا: "لو زي ما انت بتقول في البوست ده كان على الأقل يا راجل يا محترم يا بتاع الأصول تخبرها هي الاول مش تسمع من السوشل ميديا خبر طلقها كأنها ولا حاجة الا إذا كنت ناوي تهينها أو الله اعلم ايه ناوياك العشرة متقولش كده ابدا".

وفي وقت سابق، ردت مي على ما أعلنه رشاد كاتبة عبر خاصية القصص القصيرة عبر "انستجرام" قائلة: "ردا على كل ما نشر من الأمس عن خبر طلاقي، لم يتم إعلامي رسميا حتى الآن".

اقرأ أيضًا..القصة الكاملة لطلاق مي حلمي ومحمد رشاد

وتابعت: "ولقد علمت عن خبر انفصالي وطلاقي عن طريق السوشيال ميديا زي ما أنتم عرفتم بالظبط.. وآسفا حاولت اتأكد من الخبر من زوجي الحالي أو السابق مش عارفه بصراحة لكن تليفونه مغلق حتى الآن".