مهرجان الجونة يدخل محمد الشرنوبي في أزمة جديدة بسبب خطيبته القديمة"تفاصيل"

تعرض الفنان محمد الشرنوبي لهجوم كبير من قبل طلاب جامعة أكتوبر للعلوم والتكنولوجيا "MSA"، بسبب تصريحاته الأخيرة على هامش مهرجان الجونة في دورته الرابعة.

أعرب الشرنوبي، عن سعادته العارمة بزواجه من راندا رياض، لافتًا إلى علاقتهما السلسة المرنة في التعامل مع الحياه الزوجية والمشاكل وغيرها.

وأضاف خلال لقائه مع الإعلامية لميس الحديدي، قائلًا: "فيها ميزة رهيبة أني بعرف اتكلم معاها في شغل، لما بتكلم معاها في حاجة بتبقى فاهماها، مش بتبقى زي واحدة جايبه من MSA".

سادت حالة من الغضب بين طلاب جامعة MSA عليه ووصفه الكثيرون بالتقليل من شأن الدكاترة والجامعة وطلابها، ليصل الأمر إلى دكاترة الجامعة مطالبين إياه بالإعتذار.

أصدرت إحدى الدكاترة بيانًا للرد على إساءة الشرنوبي جاء فيه: "لما تبقي متضايق من خطيبتك الأولانية اللي هي خريجة الجامعة، عيب أوي أنك تطلع في انترفيو تتكلم كده عن كلية وجامعة ليها مكانتها في المجتمع المصري".

وتابعت: "كلية إعلام بجامعة MSA فيها 1500 طالب وطالبة بقدرات تفوق قدرات ناس كتيرة بما فيها حضرتك، 7 مشاريع تخرج كليه إعلام MSA التيرم اللي فات عندها نسب مشاهده (موثقة) تفوق الـ800 ألف مشاهده في 3 شهور وممكن الرقم ده يكون أكتر من عدد مشاهدة اغنية لحضرتك.. وعدد من الحملات والأفلام الوثائقية اللي فازوا في مهرجانات محلية ودولية أكتر من عدد أغاني حضرتك كلها.

وأستطردت حديثها: " وعلي فكرة جامعة MSA دي.. ممكن تبقي مكان تحلم تدخل تغني فيه أغنيه واحده بس عشان جمهورك اللي فيها ..اللي حوالي 12 الف طالب او اكتر( اللي اكيد متضايقين من كلام حضرتك في برنامج عام).. مجرد حلم لحضرتك."

واعتذر الشرنوبي ورد على منشور الدكتورة قائلا "كل احترامي وتقديري لحضرتك ولجامعة MSA وطلبة mass com اللي فيها كتير من صحابي خريجين منها ومعنديش أي مشاكل مع أي حد".

وأضاف: "ممكن يكون خانني التعبير وهي فعلًا حاجة غريبة وكلمة طلعت مني عشان هي الوحيده اللي جت في دماغي ساعتها".

اقرأ أيضًا..رانيا يوسف تثير الجدل بـ "الهوت شورت" في الجونة "صور"

الجدير بالذكر، أن انطلق مهرجان الجونة السينمائي في دورته الرابعة يوم الجمعة، حيث حرص العديد من نجوم الفن على التواجد مثل الأعوام الماضية، وذلك وسط إجراءات مكثفة ضد فيروس كورونا.