كهربا: «أنا مستقبل الجمهور.. ومش هخرج من الأهلى»

 أكد محمود كهربا لاعب النادي الأهلي أنه يحب الفريق ومستمر مع النادي، أيان كانت الظروف، مشددا انه ليس لاعب مغرور كما يقال ويتردد في الأوقات الماضية . 

 وبشأن مستقبل اللاعب في القلعة الحمراء قال :" شايف نفسي احسن لاعب في مصر ودى ثقة مش غرور ومستني أخد  الفرصه  داخل القلعة الحمراء  والمشكلة ان كل فترة مشكلة ، ولسة ما أخدتش فرصتى في الأهلى والمسئول عن دا محمود كهربا ودا تقصير منى ، ومستنى اظهر احسن ، وانا ضحيت بحاجات كتير من أجل وجودى داخل الأهلى ودا حلم حياتى ومش همشي من الأهلى حتى لو مش عاوزينى  ، ولسة عندى 27 سنة وقدامى عشر سنين في الملعب " .  

كهربا يتحدث عن الأهلي و مستقبله 

أردف كهربا : " الفترة دى موسيمانى بيكتشف قدرات كهربا وهو مقتنع بيا ودايما يجيب اهداف الحمدالله ، وزعلت انى مش بلعب كتير ولازم أى لاعب يزعل من عدم مشاركته ، وموسيمانى بيحبنى وقرار لعبي في ايده ، غلط  لما مسلمتش على موسيمانى ونفذت العقاب والناس كلها بتغلط ، وانا أكتر واحد بيتحط في مشاكل ".

" عمرى في حياتى ما غيرت من حد ولا حتى رمضان صبحي ، ولبست رقم 7 في الأهلى بسبب حبي للرقم ، وانا مستقبل الجمهور ومستقبل النادى ومش هخرج من النادى الأهلى وبدعم الكل ومحتاج الى يدعمنى ،و دورى كل ماتش العب كويس ، ومش شايف حد احسن منى ، هستنى واتحمل لحد ما العب وعمرى ما همشي حتى لو هما مش عاوزينى انا قاعد في النادى “ .

ترتيب الأهلى في الدورى 

الجدير بالذكر أن  النادى الأهلى حقق الفوز على الزمالك بهدفين مقابل هدف وحيد، في المباراة التي أقيمت أمس على استاد القاهرة الدولى  ضمن مؤجلات الجولة الرابعة في بطولة الدوري المصرى ، وبالتالى يحتل المارد الأحمر المركز الثاني برصيد 30 نقطة من أصل 12 مباراة خاضها الفريق، بينما يحتل غريمه التقليدي الزمالك صدارة الدوري برصيد 33 نقطة من أصل 15 مباراة خاضها الفريق.